RR vs RCB | ఐపీఎల్‌ను వదలని వరుణుడు.. ఆర్సీబీ, రాజస్థాన్ మ్యాచ్ టాస్ వాయిదా..!

RR vs RCB : ఐపీఎల్‌ పంతొమ్మిదో సీజన్‌ను వరుణుడు వెంటాడుతున్నాడు. ఇప్పటికే ఈడెన్ గార్డెన్స్‌లో పంజాబ్, కోల్‌కతా మ్యాచ్ వర్షార్పణం కాగా.. గువాహటిలో మ్యాచ్‌కు వాన అంతరాయం కలిగిస్తోంది.

RR vs RCB : ఐపీఎల్‌ పంతొమ్మిదో సీజన్‌ను వరుణుడు వెంటాడుతున్నాడు. ఇప్పటికే ఈడెన్ గార్డెన్స్‌లో పంజాబ్, కోల్‌కతా మ్యాచ్ వర్షార్పణం కాగా.. గువాహటిలో మ్యాచ్‌కు వాన అంతరాయం కలిగిస్తోంది. లీగ్ దశలో ఓటమెరుగని రాజస్థాన్ రాయల్స్, రాయల్ ఛాలెంజర్స్ బెంగళూరు మ్యాచ్‌కు వర్షం అడ్డుపడుతోంది. టాస్‌కు ముందే మొదలైన చినుకులు చూస్తుండగానే ఎక్కువయ్యాయి. భారీగా వర్షం పడుతున్నందున అంపైర్లు టాస్‌ను వాయిదా వేశారు.

హ్యాట్రిక్ విజయాలతో పాయింట్ల పట్టికలో అగ్రస్థానంలో ఉన్న రాజస్థాన్ రాయల్స్‌, వరసగా రెండు విజయాలతో జోరు మీదున్న ఆర్సీబీ మ్యాచ్ ఆలస్యంగా ప్రారంభం కానుంది. టాస్ సమయానికి గువాహటిలో వాన పడడమే అందుకు కారణం. ఈ మ్యాచ్‌లో అందరి కళ్లన్నీ ఐపీఎల్ సంచలనం వైభవ్ సూర్యవంశీ, విరాట్ కోహ్లీ మీదే ఉన్నాయి. రికార్డులు గమనిస్తే రాజస్థాన్‌పై 17-14తో బెంగళూరు ఆధిపత్యం చెలాయించింది. 2023 నుంచి ఇరుజట్లు ఆరు మ్యాచుల్లో తలపడగా ఆర్సీబీ నాలుగు పర్యాయాలు విజేతగా నిలిచింది.

🚨 UPDATE 🚨

Toss is delayed. Stay tuned for further updates.#TATAIPL | #KhelBindaas | #RRvRCB

— IndianPremierLeague (@IPL) April 10, 2026