Rafeal Nadal | టెన్నిస్ కోర్టులో ఫుట్‌బాల్.. ఫ్యాన్స్‌ను అల‌రించిన స్పెయిన్ బుల్

Rafeal Nadal : మాజీ వ‌ర‌ల్డ్ నంబ‌ర్ వ‌న్ ర‌ఫెల్ నాద‌ల్(Rafeal Nadal) 12 నెల‌ల త‌ర్వాత‌ బ్రిస్బేన్ ఇంట‌ర్నేష‌న‌ల్ (Brisbane International) టోర్నీతో పున‌రాగ‌మ‌నం చేశాడు. ఆస్ట్రేలియాలో ఆదివారం జ‌రిగిన డ‌బుల్స్ మ్యాచ్ ఆసాంతం చురుకుగా క‌దులుతూ,,,

January 1, 2024 / 11:15 AM IST

Rafeal Nadal | టెన్నిస్ కోర్టులో ఫుట్‌బాల్.. ఫ్యాన్స్‌ను అల‌రించిన స్పెయిన్ బుల్

Rafeal Nadal : మాజీ వ‌ర‌ల్డ్ నంబ‌ర్ వ‌న్ ర‌ఫెల్ నాద‌ల్(Rafeal Nadal) 12 నెల‌ల త‌ర్వాత‌ బ్రిస్బేన్ ఇంట‌ర్నేష‌న‌ల్ (Brisbane International) టోర్నీతో పున‌రాగ‌మ‌నం చేశాడు. ఆస్ట్రేలియాలో ఆదివారం జ‌రిగిన డ‌బుల్స్ మ్యాచ్ ఆసాంతం చురుకుగా క‌దులుతూ మున‌ప‌టి నాద‌ల్‌ను గుర్తు చేశాడు. 37 ఏండ్ల ఈ స్పెయిన్ బుల్ ఈ మ్యాచ్‌లో త‌న‌ ఫుట్‌బాల్ స్కిల్స్‌(Football Skills)తో ఫ్యాన్స్‌ను అల‌రించాడు.

మార్క్ లోపెజ్‌(Mark Lopez)తో జోడీ క‌ట్టిన నాద‌ల్ మ్యాచ్ మ‌ధ్య‌లో ఫుట్‌బాల్ ఆడి బాల్ గ‌ర్ల్‌కు బంతిని ఇచ్చాడు. దాంతో, అక్క‌డి అభిమానులు చ‌ప్ప‌ట్లు కొడుతూ ర‌ఫాను అభినందించారు. అయితే.. ఈ మ్యాచ్‌లో ఆస్ట్రేలియాకు చెందిన జోర్డ‌న్ థాంప్స‌న్, మాక్స్ పౌర్సెల్ జోడీ 4-6, 4-6తో ర‌ఫా ద్వ‌యాన్ని ఓడించింది.

Stop that, @RafaelNadal 🥶#BrisbaneTennis pic.twitter.com/2KO7wmHdF0

— Brisbane International (@BrisbaneTennis) December 31, 2023

నాద‌ల్ త‌ర్వాత పురుషుల సింగిల్స్ యూఎస్ ఓపెన్ మాజీ చాంపియ‌న్ డోమ్నిక్ థీమ్(Domni Theim)ను ఢీకొట్ట‌నున్నాడు. 2022 ఆస్ట్రేలియ‌న్ ఓపెన్‌లో నాద‌ల్ రెండో రౌండ్‌లోనే వెనుదిరిగాడు. ఆ త‌ర్వాత తొడ‌కండ‌రాల గాయం కార‌ణంగా ఏడాది పాటు ఆట‌కు దూర‌మైన ఈ స్టార్ ప్లేయ‌ర్ బ్రిస్బేన్ ఇంట‌ర్నేష‌న‌ల్‌లో వైల్డ్ కార్డ్ ఎంట్రీ సాధించాడు.

నాద‌ల్, థీమ్

Nadal 1 F

నాద‌ల్, థీమ్ ఇప్ప‌టివ‌ర‌కూ 15 సార్లు త‌ల‌ప‌డ్డారు. అయితే.. రికార్డు స్థాయిలో స్పెయిన్ బుల్ 9 సార్లు గెలుపొంద‌గా.. థీమ్ రెండు సార్లు పై చేయి సాధించాడంతే. అది కూడా కీల‌క‌మైన‌ ఏటీపీ ఫైన‌ల్స్, 2022 ఆస్ట్రేలియా ఓపెన్ క్వార్ట‌ర్ ఫైన‌ల్లో థీమ్.. ర‌ఫాను చిత్తు చేశాడు. దాంతో, ఈసారి ఎవ‌రు గెలుస్తారు? అనేది ఆస‌క్తిక‌రంగా మారింది.