Quinton de Kock : దక్షిణాఫ్రికా విధ్వంసక ఓపెనర్ క్వింటన్ డికాక్(Quinton de Kock) ప్రపంచ కప్(ODI World Cup 2023) తర్వాత వన్డేలకు గుడ్ బై చెప్పనున్నట్టు ప్రకటించిన విషయం తెలిసిందే. ఎన్నో కళాత్మక ఇన్నింగ్స్లు ఆడిన ఈ విధ్వంసక ఓపెనర్ ఏబీ డివిలియర్స్(AB de Villiers) రికార్డుపై గురి పెట్టాడు. మరో 23 పరుగులు కొడితే అతను 6 వేల పరుగుల క్లబ్లో చేరతాడు. అవును.. డివిలియర్స్ మాత్రం 147 ఇన్నింగ్స్ల్లో ఈ మైలురాయి దాటాడు. డికాక్ 23 రన్స్ చేస్తే దక్షిణాఫ్రికా తరఫున వేగంగా 6వేల రన్స్ చేసిన రెండో క్రికెటర్గా రికార్డు సృష్టిస్తాడు. ఈ జాబితాలో హషీం ఆమ్లా(Hashim Amla) అగ్రస్థానంలో ఉన్నాడు. ఆమ్లా 123 ఇన్నింగ్స్ల్లో ఈ ఫీట్ సాధించాడు.
డికాక్ ప్రస్తుతం ఆస్ట్రేలియాతో మూడు వన్డేల సిరీస్లో ఆడుతున్నాడు. అయితే.. తొలి వన్డేలో 14 పరుగులకే ఔటయ్యాడు. మిగతా రెండు వన్డేల్లో అతను రాణిస్తే 6వేల క్లబ్లో చేరతాడు. వరల్డ్ కప్ స్క్వాడ్ ఎంపికకు ముందుగానే డికాక్ రిటైర్మెంట్ నిర్ణయాన్నివిషయాన్ని సెలెక్టర్లకు తెలియజేశాడు. వాళ్లు కూడా డికాక్ నిర్ణయానికి అంగీకరించినట్టు తెలుస్తోంది.
క్వింటన్ డికాక్, ఏబీ డివిలియర్స్
డికాక్ 2013లో వన్డేల్లో అరంగేట్రం చేశాడు. వికెట్ కీపర్, బ్యాటర్ అయిన డికాక్ విధ్వంసక ఓపెనర్గా సఫారీ జట్టుకు ఎన్నో విజయాలు అందించాడు. అంతేకాదు ఈ లెఫ్ట్ హ్యాండర్ 21 ఇన్నింగ్స్ల్లోనే వెయ్యు పరుగుల మైలురాయికి చేరువయ్యాడు. దాంతో, తక్కువ ఇన్నింగ్స్ల్లో 1,000 పరుగులు చేసిన నాలుగో క్రికెటర్గా రికార్డు సృష్టించాడు. ఈ ఫార్మాట్లో అతడి అత్యధిక స్కోర్ .. 178.స్వదేశంలో ఇప్పటివరకూ 140 వన్డేలు ఆడిన ఈ లెఫ్ట్ హ్యాండర్ 44.85 సగటుతో 5,966 రన్స్ కొట్టాడు. అందులో 17 సెంచరీలు, 29 హాఫ్ సెంచరీలు ఉన్నాయి. అంతేకాదు దక్షిణాఫ్రికా బెస్ట్ వికెట్ కీపర్లలో ఒకడైన డికాక్ 183 క్యాచ్లు, 14 స్టంపింగ్స్తో 197 మంది బ్యాటర్లను పెవిలియన్ పంపాడు.