Indonasia Open | సింధు తొలి రౌండ్‌లోనే.. డ‌బుల్స్ జోడీ ఇంటికే

Indonasia Open : భార‌త ఏస్ ష‌ట్ల‌ర్ పీవీ సింధు (PV Sindhu)మ‌రోసారి నిరాశ‌ప‌రిచింది. మ‌లేషియా ఓపెన్‌ (Malaysia Open)లో ర‌న్న‌ర‌ప్‌గా నిలిచిన ఈ ఒలింపిక్ విజేత.. ఇండోనేషియా ఓపెన్ (Indonasia Open) తొలి రౌండ్‌లోనే ఓట‌మి పాలైంది.

Indonasia Open : భార‌త ఏస్ ష‌ట్ల‌ర్ పీవీ సింధు(PV Sindhu)మ‌రోసారి నిరాశ‌ప‌రిచింది. మ‌లేషియా ఓపెన్‌ (Malaysia Open)లో ర‌న్న‌ర‌ప్‌గా నిలిచిన ఈ ఒలింపిక్ విజేత అనూహ్యంగా ఇండోనేషియా ఓపెన్(Indonasia Open) తొలి రౌండ్‌లోనే ఓట‌మి పాలైంది. చైనీస్ తైపీ క్రీడాకారిణి సూ వెన్ చీ(Hsu When Chi) శ‌క్తి ముందు సింధు నిలువ‌లేక‌పోయింది. తొలి సెట్ కోల్పోయాక‌.. పుంజుకొని రెండో సెట్ గెలిచిన భార‌త ష‌ట్ల‌ర్ నిర్ణ‌యాత్మ‌క మూడో సెట్‌లో తేలిపోయింది. మొత్తంగా 15-21, 21-15, 14-21తో చిత్తుగా ఓడి ఇంటిదారి ప‌ట్టింది.

ఇక మ‌హిళ‌ల డ‌బుల్స్‌లోనూ భార‌త జోడి క‌థ ముగిసింది. రుత‌ప‌ర్న‌(Rutuparna), శ్వేత‌ప‌ర్న పండా (Swetaparna Panda) ద్వ‌యాన్ని కొరియా జంట 12-21, 9-21 భారీ తేడాతో మ‌ట్టిక‌రిపించింది. దాంతో, బీడ‌బ్ల్యూఎఫ్ సూప‌ర్ 1000 టోర్న‌మెంట్‌లో భార‌త డ‌బుల్స్ జోడీ ప్ర‌స్థానం ముగిసింది.