Premier League | యువ ఫుట్‌బాల‌ర్ బైసికిల్ గోల్.. వీడియో వైర‌ల్

Premier League : ఇంగ్లండ్ గ‌డ్డ‌పై జ‌రుగుతున్న ప్ర‌తిష్ఠాత్మ‌క‌ ప్రీమియ‌ర్ లీగ్‌(Premier League)లో మాంచెస్ట‌ర్ యునైటెడ్ యువ ఫుట్‌బాల‌ర్ కండ్లు చెదిరే గోల్ కొట్టాడు. 19 ఏండ్ల వింగ‌ర్ అలెజాండ్రో గ‌ర్నాచో(Winger Alejandro Garnacho) గాల్లోకి ఎగిరి బైసికిల్  గోల్(Bicycle Goal) చేశాడు. అత‌డి విన్యాసాన్ని చూసి స్టేడియం...

Premier League : ఇంగ్లండ్ గ‌డ్డ‌పై జ‌రుగుతున్న ప్ర‌తిష్ఠాత్మ‌క‌ ప్రీమియ‌ర్ లీగ్‌(Premier League)లో మాంచెస్ట‌ర్ యునైటెడ్ యువ ఫుట్‌బాల‌ర్ కండ్లు చెదిరే గోల్ కొట్టాడు. 19 ఏండ్ల వింగ‌ర్ అలెజాండ్రో గ‌ర్నాచో(Winger Alejandro Garnacho) గాల్లోకి ఎగిరి బైసికిల్  గోల్(Bicycle Goal) చేశాడు. అత‌డి విన్యాసాన్ని చూసి స్టేడియం మొత్తం హోరెత్తిపోయింది. అనంత‌రం వింగ‌ర్ ఫుట్‌బాల్ లెజెండ్ రొనాల్డో త‌ర‌హాలో ‘సియూ'(Siu) సెల‌బ్రేష‌న్ చేసుకున్నాడు. ప్ర‌స్తుతం ఆ వీడియో ఆన్‌లైన్‌లో వైర‌ల్ అవుతోంది.

వింగ‌ర్ బైసికిల్ గోల్ వీడియో

ఆదివారం ఎవ‌ర్టన్ జ‌ట్టుతో జ‌రిగిన మ్యాచ్‌లో వింగ‌ర్ మెరిక‌లా క‌దిలాడు. ఆట మొద‌లైన మూడో నిమిషంలోనే ఈ యంగ్‌స్ట‌ర్ 15 అడుగుల వ‌ల‌యం నుంచి బైసికిల్ గోల్ చేశాడు. అమాంతం గాల్లోకి ఎగిరిన వింగ‌ర్ బంతిని త‌ల మీదుగా గోల్ పోస్ట్‌లోకి పంపాడు. ఎవ‌ర్ట‌న్ గోల్‌కీప‌ర్ ఆ బంతిని ఎలా అడ్డుకోవాలో తెలియ‌క చూస్తుండిపోయాడు. ఫుట్‌బాల్‌లో క‌ష్ట‌సాధ్య‌మైన ఆ గోల్ చేయడాన్ని తాను న‌మ్మ‌లేక‌పోయాన‌ని వింగ‌ర్ మ్యాచ్ అనంత‌రం అన్నాడు. బైసికిల్ గోల్‌తో వింగ‌ర్‌ 12 ఏండ్ల క్రితం ఇంగ్లండ్ లెజెండ్ వేన్ రూనీ(Wayne Mark Rooney)ని గుర్తు చేశాడు. రూనీ అద్భుత గోల్ చేయ‌డంతో 2011లో మాంచెస్ట‌ర్ సిటీపై ఓల్ట్ ట్ర‌ఫోర్డ్ 2-1తో గెలుపొందింది.

ఇవి కూడా చ‌ద‌వండి

• Shreyas Iyer | ఫార్ములా వ‌న్ దిగ్గ‌జంతో అయ్య‌ర్.. ఏం గిఫ్ట్ ఇచ్చాడంటే..?

• Election Commission | ‘రైతుబంధు’ అనుమతిని ఉపసంహరించుకున్న ఈసీ

• Rain Update | రాష్ట్రంలో రానున్న నాలుగైదు రోజులు మోస్తరు నుంచి భారీ వర్షాలు