విలియమ్సన్‌ సెంచరీ

బంగ్లాదేశ్‌తో జరుగుతున్న తొలి టెస్టులో న్యూజిలాండ్‌ రెండో రోజు ఆట ముగిసే సరికి తమ తొలి ఇన్నింగ్స్‌లో 8 వికెట్లకు 266 పరుగులు చేసి, బంగ్లా తొలి ఇన్నింగ్స్‌ స్కోరుకు ఇంకా 44 పరుగుల వెనుకంజలో ఉంది. 9 వికెట్లకు 310 పరుగులతో రెండో రోజు ఆట కొనసాగించిన బంగ్లాదేశ్‌ మరో పరుగు జతచేయకుండానే ఆలౌటైయింది.

• న్యూజిలాండ్‌ 266/8

సిల్హెట్‌ : బంగ్లాదేశ్‌తో జరుగుతున్న తొలి టెస్టులో న్యూజిలాండ్‌ రెండో రోజు ఆట ముగిసే సరికి తమ తొలి ఇన్నింగ్స్‌లో 8 వికెట్లకు 266 పరుగులు చేసి, బంగ్లా తొలి ఇన్నింగ్స్‌ స్కోరుకు ఇంకా 44 పరుగుల వెనుకంజలో ఉంది. 9 వికెట్లకు 310 పరుగులతో రెండో రోజు ఆట కొనసాగించిన బంగ్లాదేశ్‌ మరో పరుగు జతచేయకుండానే ఆలౌటైయింది. అనంతరం ఇన్నింగ్స్‌ ఆరంభించిన కివీస్‌కు శుభారంభం దక్కలేదు.

ఒకవైపు వికెట్లు కూలుతున్నా విలియమ్సన్‌ కుదురుగా ఆడి టెస్టులలో తన 29వ సెంచరీ నమోదు చేసుకున్నాడు. మిచెల్‌(41)తో కలిసి నాలుగో వికెట్‌కు 66 పరుగులు, గ్లెన్‌ ఫిలిప్స్‌(42)తో కలిసి ఆరో వికెట్‌కు 78 పరుగులు జోడించి ఇన్నింగ్స్‌ను చక్కదిద్దాడు. 189 బంతుల్లో 11బౌండరీలతో సెంచరీ పూరించిన విలియమ్సన్‌ 104 పరుగులకు ఏడో వికెట్‌గా వెనుతిరిగాడు. కైల్‌ జేమీసన్‌(7), కెప్టెన్‌ టిమ్‌ సౌథీ(1) ఆటలో కొనసాగుతున్నారు. తౌజిల్‌ ఇస్లామ్‌ 4 వికెట్లు పడగొట్టాడు.