హైదరాబాద్: క్రికెట్లో అప్పుడప్పుడు కొన్ని గమ్మత్తు ఘటనలు జరుగుతుంటాయి. ఓ క్రికెటర రనౌట్ అయిన తర్వాత ఆవేశంలో బ్యాట్ను విసిరేశాడు. అయితే ఆ బ్యాట్ కాస్త.. గాలిలో ఎగురుతూ స్ట్రయికింగ్ చేస్తున్న బ్యాటర్ను బలంగా తాకింది. ఈ ఘటన ఓ అమెచ్యూర్ క్రికెట్ మ్యాచ్లో జరిగింది. దానికి సంబంధించిన వీడియో ఒకటి వైరల్ అవుతోంది. వాస్తవానికి ఆ వీడియో ఎంత క్రెడిబుల్ అన్న విషయం పక్కన పెడితే, ఔటైన రన్నర్ ఎంత ఆక్రోశంతో ఉన్నాడో అర్థం అవుతుంది.
— Movie And Cric (@MovieNCricEdits) August 25, 2023
నాన్ స్ట్రయికింగ్లో ఉన్న బ్యాటర్ పరుగు కోసం ప్రయత్నం చేశాడు. కానీ షాట్ కొట్టిన బ్యాటర్ మాత్రం రెండు అడుగులు వేసి మళ్లీ వెనక్కి వెళ్లాడు. ఇక మిడాఫ్లో ఉన్న ఫీల్డర్.. బంతిని నేరుగా నాన్ స్ట్రయికింగ్ ఎండ్లో ఉన్న వికెట్లను కొట్టేశాడు. దీంతో రనౌట్ అయిన ఆ బ్యాటర్ క్రీజ్ నుంచి వెళ్లిపోతే ఆవేశంతో తన చేతుల్లో ఉన్న బ్యాట్ను విసిరేశాడు. ఆ బ్యాట్ గింగిరాలు తిరుగుతూ.. స్ట్రయింగ్ వద్ద ఉన్న బ్యాటర్కు బలంగా తగిలింది. ఓ వైపు ఈ ఫన్నీ ఘటన జరుగుతున్న సమయంలోనే.. ప్రత్యర్థి జట్టు ఫీల్డర్లు వికెట్ తీసిన సంబరాలను ఎంజాయ్ చేశారు.