నెదర్లాండ్స్‌ సూపర్‌ విక్టరీ

వన్డే ప్రపంచకప్‌ క్వాలిఫయింగ్‌ టోర్నీలో నెదర్లాండ్స్‌ అదరగొట్టింది. రెండు సార్లు ప్రపంచ చాంపియన్‌ వెస్టిండీస్‌పై సూపర్‌ ఓవర్‌లో థ్రిల్లింగ్‌ విక్టరీ నమోదు చేసుకుంది. మొదట బ్యాటింగ్‌ చేసిన విండీస్‌ నిర్ణీత 50 ఓవర్లలో 6 వికెట్లకు 374 పరుగులు చేసింది.

4,6,4,6,6,4.. వెస్టిండీస్‌తో సూపర్‌ ఓవర్‌లో నెదర్లాండ్స్‌ ఆల్‌రౌండర్‌ వాన్‌ బీక్‌ సృష్టించిన విధ్వంసమిది. అనంతరం బౌలింగ్‌లోనూ రెండు వికెట్లు పడగొట్టిన బీక్‌ వరల్డ్‌ కప్‌ క్వాలిఫయింగ్‌ టోర్నీలో తన జట్టుకు చిరస్మరణీయ విజయాన్ని అందించాడు.

హరారే: వన్డే ప్రపంచకప్‌ క్వాలిఫయింగ్‌ టోర్నీలో నెదర్లాండ్స్‌ అదరగొట్టింది. రెండు సార్లు ప్రపంచ చాంపియన్‌ వెస్టిండీస్‌పై సూపర్‌ ఓవర్‌లో థ్రిల్లింగ్‌ విక్టరీ నమోదు చేసుకుంది. మొదట బ్యాటింగ్‌ చేసిన విండీస్‌ నిర్ణీత 50 ఓవర్లలో 6 వికెట్లకు 374 పరుగులు చేసింది. నికోలస్‌ పూరన్‌ (65 బంతుల్లో 104 నాటౌట్‌; 9 ఫోర్లు, 6 సిక్సర్లు) అజేయ శతకంతో విజృంభించగా.. కింగ్‌ (76), చార్లెస్‌ (54), హోప్‌ (47), కీమో పాల్‌ (46) రాణించారు. అనంతరం ఛేదనలో నెదర్లాండ్స 9 వికెట్లకు సరిగ్గా 374 పరుగులు చేసింది. తేజ (111) శతక్కొట్టాడు. స్కోర్లు సమం కావడంతో ఫలితం తేల్చేందుకు నిర్వహించిన సూపర్‌ ఓవర్‌లో నెదర్లాండ్స్‌ ప్లేయర్‌, ‘మ్యాన్‌ ఆఫ్‌ ది మ్యాచ్‌’ బీక్‌ చుక్కలు చూపాడు. హోల్డర్‌ బౌలింగ్‌ను తుత్తునియాలు చేస్తూ 6 బంతుల్లో 30 పరుగులు రాబట్టాడు. అనంతరం బీక్‌ బౌలింగ్‌లో విండీస్‌ 8 పరుగులే చేసి రెండు వికెట్లు కోల్పోయింది. మరో మ్యాచ్‌లో జింబాబ్వే 304 పరుగుల తేడాతో అమెరికాను చిత్తుచేసింది.