Nathan Lyon: ఆస్ట్రేలియా దిగ్గజ స్పిన్నర్ నాథన్ లియాన్ ఇటీవలే టెస్టులలో ఐదు వందల వికెట్లు తీసిన ఘనత దక్కించుకున్న విషయం తెలిసిందే. ఆస్ట్రేలియాలో షేన్ వార్న్ తర్వాత టెస్టులలో ఐదు వందల వికెట్లు తీసిన రెండో స్పిన్నర్గా ఘనత దక్కించుకున్న లియాన్.. తన సుదీర్ఘ కెరీర్లో తాను చూసిన టఫెస్ట్ బ్యాటర్ల పేర్లను వెల్లడించాడు. పాకిస్తాన్తో సిడ్నీ వేదికగా జనవరి 3 నుంచి ప్రారంభం కాబోయే ఆఖరి టెస్టు ముందు లియాన్ మాట్లాడుతూ ఆసక్తికర వ్యాఖ్యలు చేశాడు.
మీ కెరీర్లో మీకు వ్యతిరేకంగా ఆడిన ప్రత్యర్థి జట్లలో మీరు చూసిన బెస్ట్ ప్లేయర్ ఎవరు..? అన్న ప్రశ్నకు లియాన్ సమాధానమిస్తూ… ‘సచిన్ టెండూల్కర్, విరాట్ కోహ్లీ, ఏబీ డివిలియర్స్’ అని బదులిచ్చాడు. డివిలియర్స్ సౌతాఫ్రికా బ్యాటర్ కాగా కోహ్లీ, సచిన్లు భారత్కు చెందినవారే కావడం గమనార్హం. 2023లో లియాన్.. 47 వికెట్లు పడగొట్టాడు.
Nathan Lyon on the best players he’s played against:
Virat Kohli.
Sachin Tendulkar.
AB De Villiers.pic.twitter.com/XLy5Ux8tAB— Mufaddal Vohra (@mufaddal_vohra) January 1, 2024
టెస్టులలో లియాన్.. కోహ్లీని ఏడుసార్లు ఔట్ చేసిన బౌలర్లలో రెండోవాడు. తొలి స్థానంలో జేమ్స్ అండర్సన్ ఉన్నాడు. స్పిన్నర్ల విషయంలో మాత్రం కోహ్లీని అన్ని సార్లు ఔట్ చేసిన బౌలర్ మాత్రం లియానే.. టెస్టులలో లియాన్ బౌలింగ్లో సుమారు వెయ్యికి పైగా బంతులను ఎదుర్కున్న కోహ్లీ.. 511 పరుగులు రాబట్టాడు.