జొకోను రెచ్చగొట్టేందుకు 52లక్షల ఆఫర్‌

• సెర్బియా మోడల్‌ సంచలన వ్యాఖ్యలు

బెల్‌గ్రేడ్‌: సెర్బియా మోడల్‌ నటాలిజా స్కెకిచ్‌ సంచలన విషయాలు వెల్లడించింది. ప్రపంచ టాప్‌ టెన్నిస్‌ ప్లేయర్‌ నొవాక్‌ జొకోవిచ్‌ను శృంగారానికి రెచ్చగొట్టి చిత్రీకరిస్తే తనకు రూ.52 లక్షలు ఇస్తానని ఓ వ్యక్తి ఆఫర్‌ ఇచ్చినట్టు చెప్పింది. దీంతో తనకు పట్టలేని కోపం వచ్చినట్టు ఓ మ్యాగజీన్‌ కోసం ఇచ్చిన ఇంటర్వ్యూలో వెల్లడించింది. ‘నొవాక్‌ను రెచ్చిగొట్టి కెమెరాలో చిత్రీకరించాలని ఓ వ్యక్తి ఆఫర్‌ ఇచ్చాడు. అలా చేస్తే 60 వేల యూరోల (రూ. దాదాపు 52 లక్షలు)తో పాటు ఇష్టమొచ్చిన చోటికి ఓ హాలీడే ట్రిప్‌ ఏర్పాటు చేస్తానన్నాడు’ అని స్కెకిచ్‌ చెప్పింది.