Mitchell Starc | టెస్టుల్లో స్టార్క్ సంచ‌ల‌నం.. తొలి ఓవర్లోనే వికెట్‌తో ‘ఆల్‌టైమ్’ రికార్డు..!

Mitchell Starc : సుదీర్ఘ ఫార్మాట్‌లో ఆస్ట్రేలియా పేస‌ర్ మిచెల్ స్టార్క్‌(Mitchell Starc) సంచ‌ల‌నం సృష్టించాడు. స్వ‌దేశంలో బంగ్లాదేశ్‌తో జ‌రుగుతున్న మెక్‌కే టెస్టులో ఐదు వికెట్ల‌తో చెల‌రేగిన ఈ స్పీడ్‌స్ట‌ర్ 'ఆల్‌టైమ్ రికార్డు' బ‌ద్ద‌లు కొట్టాడు.

Mitchell Starc : సుదీర్ఘ ఫార్మాట్‌లో ఆస్ట్రేలియా పేస‌ర్ మిచెల్ స్టార్క్‌(Mitchell Starc) సంచ‌ల‌నం సృష్టించాడు. స్వ‌దేశంలో బంగ్లాదేశ్‌తో జ‌రుగుతున్న మెక్‌కే టెస్టులో ఐదు వికెట్ల‌తో చెల‌రేగిన ఈ స్పీడ్‌స్ట‌ర్ ‘ఆల్‌టైమ్ రికార్డు’ బ‌ద్ద‌లు కొట్టాడు. ఇన్నింగ్స్ తొలి ఓవ‌ర్లోనే వికెట్ తీసిన స్టార్క్.. తొమ్మిదోసారి ఈఘ‌న‌త సాధించాడు. దాంతో, ఇప్ప‌టివ‌ర‌కూ అగ్ర‌స్థానంలో కొన‌సాగుతున్న ఇంగ్లండ్ వెట‌ర‌న్ జేమ్స్ అండ‌ర్స‌న్(James Anderson) రెండో స్థానానికి ప‌డిపోయాడు.

బుల్లెట్ బంతుల‌తో బ్యాట‌ర్ల‌ను భ‌య‌పెట్టే మిచెల్ స్టార్క్ స్వ‌దేశంలో బంగ్లాదేశ్‌పై త‌న త‌డాఖా చూపించాడు. మెక్‌కే టెస్టు తొలి సెష‌న్ ప్రారంభంలోనే నిప్పులు చెరిగిన ఈ పొడ‌గరి పేస‌ర్ ట‌పాట‌పా ఐదు వికెట్లు కూల్చాడు. ఇన్నింగ్స్ మొద‌టి ఓవ‌ర్లోనే ఓపెన‌ర్ ష‌ద్మాన్ ఇస్లాం()ను ఔట్ చేసి బంగ్లాకు షాకిచ్చాడు.

Mitchell Starc and first-over wickets… we’ve seen it before ⚡ pic.twitter.com/0lirGE22jz

— Cricinfo (@cricinfo) August 22, 2026

సుదీర్ఘ ఫార్మాట్ తొలి ఓవ‌ర్లోనే వికెట్ తీయ‌డం అత‌డికిది 9వ సారి. దాంతో.. జేమ్స్ అండ‌ర్స‌న్ పేరిట ఉన్న రికార్డు స్టార్క్ సొంత‌మైంది. టెస్టుల్లో వెట‌ర‌న్ బౌల‌రైన‌ అండ‌ర్స‌న్ 8సార్లు ఈ ఫీట్ సాధించాడు. ఇప్ప‌టివ‌ర‌కూ భార‌త లెజెండ్ క‌పిల్ దేవ్, న్యూజిలాండ్ దిగ్గ‌జం రిచ‌ర్డ్ హ్యాడ్లీ, రే లిండ్‌వాల్‌(ఆస్ట్రేలియా)లు ఏడుసార్లు తొలి ఓవ‌ర్లోనే వికెట్ తీశారు.

Five in no time for Starc ⚡️

(via @cricketcomau) pic.twitter.com/Bsj5iWklyS

— Cricinfo (@cricinfo) August 22, 2026