Lionel Messi: రెండు గోల్స్ కొట్టిన మెస్సీ.. అర్జెంటీనా విజ‌యం.. వీడియో

Lionel Messi: మెస్సీ త‌న ఆట‌తీరుతో ఆక‌ట్టుకున్నాడు. పెరూతో జ‌రిగిన మ్యాచ్‌లో రెండు గోల్స్ చేశాడు. దీంతో ఆ జట్టుపై అర్జెంటీనా విజ‌యం సాధించింది. మెస్సీ డ్రిబ్లింగ్ గేమ్‌తో పెరూ ఆట‌గాళ్లు ప‌రేషాన్ అయ్యారు.

లీమా: అర్జెంటీనా ప్లేయ‌ర్‌ మెస్సీ మ‌ళ్లీ మాయ చేశాడు. పెరూతో జ‌రిగిన 2026 వ‌రల్డ్‌క‌ప్ క్వాలిఫ‌య‌ర్ మ్యాచ్‌లో దుమ్మురేపాడు. ఆ మ్యాచ్‌లో అర్జెంటీనా 2-0 గోల్స్ తేడాతో విజ‌యం సాధించింది. లీమాలో జ‌రిగిన మ్యాచ్‌లో .. ఆ రెండు గోల్స్ మెస్సీనే చేశాడు. అద్భుత‌మైన రీతిలో ఆట‌ను ప్ర‌ద‌ర్శించాడు. 36 ఏళ్లు మెస్సీ ఓ ద‌శ‌లో త‌న డ్రిబుల్ గేమ్‌తో ఇద్ద‌రు పేరూ ప్లేయ‌ర్ల‌ను ఆటాడుకున్నాడు. ప‌రాగ్వేతో జ‌రిగిన మ్యాచ్‌కు దూరంగా ఉన్న మెస్సీ.. పెరూతో మ్యాచ్‌లో పూర్తి స‌మ‌యం ఆడాడు. ఇటీవ‌ల కుడి కాలుకు గాయం కావ‌డంతో చాన్నాళ్లు అత‌ను ఆట‌కు దూరంగా ఉన్నాడు. పెరూతో మ్యాచ్‌లో 32వ నిమిషంలో తొలి గోల్ చేసిన మెస్సీ.. ఆ త‌ర్వాత 10 నిమిషాల‌కే మ‌రో గోల్ కొట్టాడు.

Messi 😍 #ARGvsPER #Messi𓃵 #WCQualifiers pic.twitter.com/HLJi6J4uEF

— FanCode (@FanCode) October 18, 2023