Jorge Messi | మెస్సీ ఇంట విషాదం.. తండ్రిని కోల్పోయిన ఫుట్‌బాల్ దిగ్గ‌జం..!

Jorge Messi : ఫుట్‌బాల్ మాంత్రికుడు లియోన‌ల్ మెస్సీ(Lionel Messi) ఇంట విషాద నెల‌కొంది. మెస్సీ తండ్రి జార్జ్ మెస్సీ (Jorge Messi) క‌న్నుమూశాడు.

Jorge Messi : ఫుట్‌బాల్ మాంత్రికుడు లియోన‌ల్ మెస్సీ(Lionel Messi) ఇంట విషాద నెల‌కొంది. మెస్సీ తండ్రి జార్జ్ మెస్సీ (Jorge Messi) క‌న్నుమూశాడు. కొంత‌కాలంగా అనారోగ్యంతో బాధ ప‌డుతున్న ఆయ‌న 68 ఏళ్ల వ‌య‌సులో మ‌ర‌ణించాడు. త‌మ సొంత ప్ర‌దేశ‌మైన రొసారియోలోని ఆస్ప‌త్రిలో చికిత్స పొందుతున్న‌ జార్జ్ శుక్రవారం మ‌ర‌ణించాడ‌ని మెస్సీకి చెందిన క్ల‌బ్ వెల్ల‌డించింది.

సాక‌ర్ ప్ర‌పంచంలో త‌న కొడుకును రారాజులా చూసి ఎంతో గ‌ర్వ‌ప‌డిన జార్జ్ మెస్సీ అనారోగ్యంతో క‌న్నుమూశాడు. ఫిఫా వ‌ర‌ల్డ్‌క‌ప్ 2026 స‌మ‌యంలోనే ఆయ‌న ఆస్ప‌త్రి పాల‌య్యారు. కొన్ని రోజులుగా చికిత్స పొందుతున్న ఆయ‌న‌.. ఆగ‌స్టు 7వ తేదీ, శుక్ర‌వారం చ‌నిపోయాడు. ఈ విష‌యాన్ని మెస్సీకి సంబంధించిన బాయ్‌హుడ్ క్ల‌బ్ న్యూవెల్స్ ఓల్డ్ బాయ్స్ అధికారికంగా వెల్ల‌డించింది.

Lionel Messi’s father Jorge has passed away at 68 years old.

Thoughts are with the whole Messi family, Lionel, those close to him in a very difficult time.

Rest in peace, Jorge. 🕊️ pic.twitter.com/FsSL60xxDx

— Fabrizio Romano (@FabrizioRomano) August 8, 2026

‘క్ల‌బ్ అట్ల్‌టికో బ‌రువైన హృద‌యంతో జార్జ్ మెస్సీకి వీడ్కోలు ప‌లుకుతోంది. రొసారియో ప‌ట్ట‌ణంలోని ఓ ఆస్ప‌త్రిలో జార్జ్ మ‌ర‌ణించాడు. ఆయ‌న‌కు 68 ఏళ్లు. వ్యాపార‌వేత్త అయిన జార్జ్ కుమారుడు మెస్సీని గొప్ప ఫుట్‌బాల‌ర్‌గా తీర్చిదిద్దాడు’ అని న్యూవెల్స్ ఓల్డ్ బాయ్స్ పేర్కొంది.