KKR vs SRH | టాస్‌ గెలిచిన కోల్‌కతా.. బౌలింగ్ ఎంచుకున్న కేకేఆర్

KKR vs SRH : సన్‌రైజర్స్ హైదరాబాద్ (ఎస్‌ఆర్‌హెచ్‌), కోల్‌కతా నైట్‌ రైడర్స్ (కేకేఆర్) జట్ల మధ్య ఐపీఎల్‌ టీ20 మ్యాచ్ మరికొద్ది సేపట్లో ప్రారంభం కానుంది. మ్యాచ్‌ కోసం టాస్ గెలిచిన కేకేఆర్ బౌలింగ్ ఎంచుకుంది.

KKR vs SRH : సన్‌రైజర్స్ హైదరాబాద్ (ఎస్‌ఆర్‌హెచ్‌), కోల్‌కతా నైట్‌ రైడర్స్ (కేకేఆర్) జట్ల మధ్య ఐపీఎల్‌ టీ20 మ్యాచ్ మరికొద్ది సేపట్లో ప్రారంభం కానుంది. కోల్‌కతాలోని ఈడెన్ గార్డెన్స్ స్టేడియం వేదికగా సాయంత్రం ఏడున్నర గంటలకు మ్యాచ్ ప్రారంభం కానుంది. మ్యాచ్‌ కోసం టాస్ గెలిచిన కేకేఆర్ బౌలింగ్ ఎంచుకుంది. రెండు జట్లకు ఈ మ్యాచ్ కీలకం. వేర్వేరు జట్లతో ఒక్కో మ్యాచ్ ఆడిన కేకేఆర్, ఎస్‌ఆర్‌హెచ్ జట్లు తమ మొదటి మ్యాచులో ఓడిపోయాయి.

దీంతో ఈ మ్యాచులోనైనా గెలిచి విజయాల ఖాతా తెరవాలని ఇరు జట్లు భావిస్తున్నాయి. సన్‌రైజర్స్ జట్టుకు బౌలింగ్ విభాగం ఇబ్బందిగా మారింది. ఐపీఎల్‌ టీముల్లో అత్యంత బలహీనమైన బౌలింగ్ కలిగిన జట్టుగా సన్‌రైజర్స్‌ను చెబుతున్నారు. బ్యాటింగ్ విభాగంలో బలంగానే ఉన్నప్పటికీ ఓపెనర్లు ట్రావిస్ హెడ్, అభిషేక్ శర్మ సరైన స్కోర్లు చేయలేకపోతున్నారు. కానీ, కెప్టెన్ ఇషాన్ కిషన్ మాత్రం బ్యాటింగ్‌లో అదరగొడుతున్నాడు. ఇక, కేకేఆర్‌కు సంబంధించి కెప్టెన్‌గా ఉన్న అజింక్యా రహానేకు ఇది 200వ ఐపీఎల్ మ్యాచ్. ఈ రెండు జట్లకు సంబంధించి టీం అంచనాలివి.
ఎస్‌ఆర్‌హెచ్
ఇషాన్ కిషన్(వికెట్ కీపర్/ కెప్టెన్), అభిషేక్ శర్మ, ట్రావిస్ హెడ్,హెన్రిచ్ క్లాసెన్, అనికేత్ వర్మ, నితీశ్ కుమార్ రెడ్డి, సలీల్ అరోరా, హర్ష్ దూబె, శివంగ్ కుమార్, జయదేవ్ ఉనద్కత్, డేవిడ్ పేన్
కేకేఆర్
అజింక్యా రహానె(కెప్టెన్), కామెరాన్ గ్రీన్, అంగ్క్రిష్ రఘువంశీ(వికెట్ కీపర్), రింకు సింగ్, రమణదీప్ సింగ్, అనుకూల్ రాయ్, సునీల్ నరైన్, వరుణ్ చక్రవర్తి, వైభవ్ అరోరా, కార్తీక్ త్యాగి, బ్లెస్సింగ్ ముజారబానీ