చిక్కుల్లో హార్దిక్‌.. జాతీయ జెండాను అవమానించాడంటూ కేసు

భారత జట్టు వరుసగా రెండోసారి టీ20 ప్రపంచకప్‌ గెలిచిన జట్టు లో ఆల్‌రౌండర్‌గా కీలకపాత్ర పోషించిన హార్దిక్‌ పాండ్యా చిక్కుల్లో పడ్డాడు.

పూణె: భారత జట్టు వరుసగా రెండోసారి టీ20 ప్రపంచకప్‌ గెలిచిన జట్టు లో ఆల్‌రౌండర్‌గా కీలకపాత్ర పోషించిన హార్దిక్‌ పాండ్యా చిక్కుల్లో పడ్డాడు. వరల్డ్‌ కప్‌ గెలిచిన తర్వాత జాతీయ జెండాను ఒంటికి చుట్టుకున్న అతడు అభ్యంతకరంగా ప్రవర్తించాడని, ఇది త్రివర్ణ పతాకాన్ని అవమానించడమేనని పూణెకు చెందిన వాజిద్‌ ఖాన్‌ అనే న్యాయవాది శివాజీ నగర్‌ పోలీస్‌స్టేషన్‌లో ఫిర్యాదు చేశాడు.

ఈ సందర్భంగా వాజిద్‌ మాట్లాడుతూ.. ‘ప్రపంచకప్‌ గెలిచిన తర్వాత జట్టు ఆటగాళ్ల విజయోత్సవాలను మనం చూశాం. హార్దిక్‌ పాండ్యా తన ప్రియురాలితో మైదానం అంతా కలియతిరుగుతూ డాన్స్‌ చేశాడు. అతడు జాతీయ జెండాను ధరించి ఉన్నాడు. జెండాను ఒంటికి చుట్టుకుని ఉండగానే పోడియంపై ప్రియురాలితో సరసాలాడుతూ కనిపించాడు. 1971 నేషనల్‌ ఫ్లాగ్‌ యాక్ట్‌ సెక్షన్‌ 2 ప్రకారం ఇది మువ్వన్నెల పతాకాన్ని అవమానించడమే’ అని ఫిర్యాదులో పేర్కొన్నాడు.