లిమా: ఐఎస్ఎస్ఎఫ్ షూటింగ్ ప్రపంచ జూనియర్ చాంపియన్షిప్లో ఐశ్వరీ ప్రతాప్సింగ్ తోమర్ ప్రపంచ రికార్డును సమం చేస్తూ స్వర్ణం కొల్లగొట్టాడు. పురుషుల 50 మీటర్ల రైఫిల్ త్రీ పొజిషన్ ఈవెంట్లో ప్రతాప్సింగ్.. సత్తా చాటి 1185 పాయింట్లతో జూనియర్ ప్రపంచ రికార్డును సమం చేశాడు. తుది పోరులో ప్రతాప్ 463.4 పాయింట్లు సాధించి పసిడి పతకం గెలుపొందగా.. లుకాస్ క్రిజ్ (456.5 పాయింట్లు, ఫ్రాన్స్), గెవిన్ బార్నిక్ (446.6 పాయింట్లు, అమెరికా) వరుసగా రజత, కాంస్యాలు చేజిక్కించుకున్నారు. ఇదే విభాగంలో భారత షూటర్లు సంస్కార్ (1160), పంకజ్ ముఖేజా (1157), సర్తాజ్ తివానా (1157) వరుసగా 11, 15, 16 స్థానాల్లో నిలిచారు. ఇక ఇదే టోర్నీలో 14 ఏండ్ల నామ్య కపూర్ స్వర్ణం సాధించి చరిత్ర సృష్టించిన విషయం తెలిసిందే.