జ్ఞానేశ్వరికి రెండు పతకాలు

ఆసియా వెయిట్‌లిఫ్టింగ్‌ చాంపియన్‌షిప్స్‌లో భారత లిఫ్టర్‌ జ్ఞానేశ్వరి యాదవ్‌ సత్తాచాటింది. బుధవారం జరిగిన మహిళల 53 కిలోల విభాగంలో రెండు పతకాలు సాధించడమే గాక తన పేరిటే ఉన్న జాతీయ రికార్డునూ తిరగరాసింది.

అహ్మదాబాద్‌: ఆసియా వెయిట్‌లిఫ్టింగ్‌ చాంపియన్‌షిప్స్‌లో భారత లిఫ్టర్‌ జ్ఞానేశ్వరి యాదవ్‌ సత్తాచాటింది. బుధవారం జరిగిన మహిళల 53 కిలోల విభాగంలో రెండు పతకాలు సాధించడమే గాక తన పేరిటే ఉన్న జాతీయ రికార్డునూ తిరగరాసింది.

స్నాచ్‌లో 88 కిలోలు ఎత్తి రజతం సాధించిన ఆమె.. గతంలో తానే నెలకొల్పిన (87 కిలోలు) రికార్డును అధిగమించింది. ఇక క్లీన్‌ అండ్‌ జెర్క్‌లో 106 కిలోలు ఎత్తిన ఆమె.. ఓవరాల్‌గా (194 కిలోలు) కాంస్యం సాధించింది.