Hardik Pandya: హార్దిక్ పాండ్యా సోద‌రుడిపై చీటింగ్ కేసు.. వైభ‌వ్ పాండ్యా అరెస్టు

Hardik Pandya: హార్దిక్ పాండ్యా, కృణాల్ పాండ్యాల స‌వ‌తి సోద‌రుడు వైభ‌వ్ పాండ్యాను ముంబై పోలీసులు అరెస్టు చేశారు. ఆ ఇద్ద‌రు క్రికెట‌ర్ల వ‌ద్ద 4.3 కోట్ల చీటింగ్‌కు పాల్ప‌డిన‌ట్లు వైభ‌వ్‌పై ఫిర్యాదు న‌మోదు అయ్యింది.

ముంబై: హార్దిక్ పాండ్యా(Hardik Pandya), కృణాల్ పాండ్యాల స‌వ‌తి సోద‌రుడు వైభ‌వ్ పాండ్యాను ముంబై పోలీసులు అరెస్టు చేశారు. ఆ ఇద్ద‌రు క్రికెట‌ర్ల వ‌ద్ద 4.3 కోట్ల చీటింగ్‌కు పాల్ప‌డిన‌ట్లు వైభ‌వ్‌పై ఫిర్యాదు న‌మోదు అయ్యింది. త‌మ భాగ‌స్వామ్య వ్యాపారం నుంచి అత‌ను ఆ డ‌బ్బును డైవ‌ర్ట్ చేశాడ‌ని, దాని వ‌ల్ల పాండ్యా సోద‌రుల‌కు న‌ష్టం వాటిల్లింది. 2021లో హార్దిక్‌, కృణాల్‌, వైభ‌వ్‌లు క‌లిసి ఓ వ్యాపారం మొద‌లుపెట్టారు. ఆ ఒప్పందం ప్ర‌కారం హార్దిక్‌, కృణాల్ పాండ్యాలకు 40 శాతం ప్రాఫిట్ వెళ్తుంది. ఇక వైభ‌వ్‌కు 20 శాతం మాత్ర‌మే ద‌క్కుతుంది. వైభ‌వ్ పాండ్యా కొత్త‌గా ఓ వ్యాపారం మొద‌లుపెట్టి, ఆ గ్రూపున‌కు ఫండ్స్‌ను త‌ర‌లించిన‌ట్లు ఆరోప‌ణ‌లు ఉన్నాయి. ముంబై పోలీస్ ఎక‌నామిక్ అఫెన్స్ వింగ్ ప్ర‌కారం .. వైభ‌వ్‌పై చీటింగ్‌, ఫోర్జ‌రీ కేసు న‌మోదు చేశారు. హార్దిక్ ఇచ్చిన ఫిర్యాదు ఆధారంగా వైభ‌వ్‌ను అదుపులోకి తీసుకున్నారు.