Hardik Pandya: పకడ్బందీగా ప్లాన్‌ చేశావ్‌గా పాండ్యా..! వర్కవుట్స్‌ కోసం చార్ట్‌.. ఇదే ఊపు కంటిన్యూ చేస్తే ఐపీఎల్‌లో రీఎంట్రీ పక్కా

Hardik Pandya: వన్డే వరల్డ్‌ కప్‌లో భాగంగా బంగ్లాదేశ్‌తో మ్యాచ్‌లో కాలి మడమ గాయం తర్వాత హార్ధిక్‌ జట్టుకు దూరమైన విషయం తెలిసిందే. కొద్దిరోజులుగా జట్టులోకి రీఎంట్రీ ఇచ్చేందుకు జిమ్‌లో చెమటోడ్చుతున్న పాండ్యా..

Hardik Pandya: టీమిండియా ఆల్‌ రౌండర్‌ హార్ధిక్‌ పాండ్యా ఈ ఏడాది ఐపీఎల్‌ – 17లో రీఎంట్రీ ఇచ్చేందుకు రెడీ అవుతున్నాడు. ఈ ఏడాది ముంబై ఇండియన్స్‌ సారథిగా బరిలోకి దిగబోతున్న పాండ్యా.. ఐపీఎల్‌ నాటికి పూర్తిస్థాయిలో సిద్ధమవడానికి కసరత్తులు ముమ్మరం చేశాడు. గతేడాది వన్డే వరల్డ్‌ కప్‌లో భాగంగా బంగ్లాదేశ్‌తో పూణే వేదికగా ముగిసిన మ్యాచ్‌లో కాలి మడమకు గాయమవడంతో హార్ధిక్‌ జట్టుకు దూరమైన విషయం తెలిసిందే. కొద్దిరోజులుగా జట్టులోకి రీఎంట్రీ ఇచ్చేందుకు జిమ్‌లో చెమటోడ్చుతున్న పాండ్యా.. తాజాగా తన దినచర్యలో భాగంగా చేసే కసరత్తులకు సంబంధించిన ఆసక్తికర వీడియోను ఇన్‌స్టాగ్రామ్‌లో పోస్ట్‌ చేశాడు.

హార్ధిక్‌ తాజాగా షేర్‌ చేసిన వీడియోలో ఓ చార్ట్‌ను ప్రిపేర్‌ చేసుకున్నాడు. అందులో పేర్కొన్న దాని ప్రకారం.. బాడీని కసరత్తులకు ప్రిపేర్‌ చేసేందుకు గాను మొదట ఐదు నిమిషాల పాటు బ్రిస్క్‌ వాకింగ్‌ కోసం కేటాయిస్తున్నాడు. ఆ తర్వాత టెంపో బ్రీతింగ్‌ మూడు సెట్లను పది సార్లు చేయడం మరోసారి కొద్దిసేపు వాకింగ్‌ చేసిన తర్వాత వర్క్‌అవుట్స్‌ సెషన్‌ మొదలుపెడుతున్నాడు. వర్క్‌అవుట్స్‌లో భాగంగా బాటిల్‌ రోప్‌, స్కిప్పింగ్, జంప్‌ రోప్‌, స్పిన్నింగ్‌ వంటివి చేస్తాడు. వీటిలో ఒక్కొక్కదానికోసం సుమారు 15 నిమిషాల పాటు కేటాయిస్తున్నాడు. వర్కవుట్స్‌ చేసేప్పుడు మధ్యలో ఐదు నిమిషాల పాటు బ్రేక్‌ ఇవ్వడం ఆ తర్వాత దానిని కొనసాగించడం వంటివి చేస్తున్నాడు. హార్ధిక్‌ షేర్‌ చేసిన వర్కవుట్స్‌ బోర్డు జాబితాను చూస్తే కనీసం రోజులో ఆరు నుంచి 8 గంటల పాటు కసరత్తులకే వినియోగిస్తున్నట్టు తెలుస్తున్నది.

 

 

View this post on Instagram

 

A post shared by Hardik Himanshu Pandya (@hardikpandya93)

30 ఏండ్ల ఈ ఆల్‌ రౌండర్‌ ఐపీఎల్‌ సమయానికి పూర్తిస్థాయి ఫిట్‌నెస్‌ సాధించి స్ట్రాంగ్‌ కమ్‌బ్యాక్‌ ఇవ్వాలని భావిస్తున్నాడు. ఈ ఏడాది జూన్‌లో అమెరికా వేదికగా టీ20 వరల్డ్‌ కప్‌ ఉన్న నేపథ్యంలో అప్పటివరకూ రీఎంట్రీతో పాటు కెప్టెన్‌గా తానెంటో ప్రూవ్‌ చేసుకునేందుకు ఐపీఎల్‌ అతడికి మంచి వేదిక. ఈసారి అతడు ముంబై సారథి కూడా కావడంతో అతడిపై అంచనాలు భారీగా పెరిగిపోయాయి.