Varun Aaron: ఎస్ఆర్‌హెచ్ బౌలింగ్ కోచ్‌గా వ‌రుణ్ ఆర‌న్‌

Varun Aaron: స‌న్‌రైజ‌ర్స్ హైద‌రాబాద్ జ‌ట్టుకు బౌలింగ్ కోచ్‌గా వ‌రుణ్ ఆర‌న్ నియ‌మితుయ్యాడు. ఐపీఎల్ 2026 సీజ‌న్‌లో అత‌ను ఆ బాధ్య‌త‌లు స్వీక‌రించ‌నున్నాడు.

హైద‌రాబాద్‌: స‌న్‌రైజ‌ర్స్ హైద‌రాబాద్ జ‌ట్టుకు బౌలింగ్ కోచ్‌గా వ‌రుణ్ ఆర‌న్(Varun Aaron) నియ‌మితుయ్యాడు. ఐపీఎల్ 2026 సీజ‌న్‌లో అత‌ను ఆ బాధ్య‌త‌లు స్వీక‌రించ‌నున్నాడు. ఇప్ప‌టి వ‌ర‌కు ఎస్ఆర్‌హెచ్‌ జ‌ట్టుకు జేమ్స్ ఫ్రాంక్లిన్ బౌలింగ్ కోచ్‌గా ఉన్నాడు. కోచింగ్ స్టాఫ్‌లో కొత్త స‌భ్యుడు వ‌చ్చాడ‌ని, వెల్క‌మ్ ఆర‌న్ అని ఎస్ఆర్‌హెచ్ జ‌ట్టు త‌న ఎక్స్ అకౌంట్‌లో పోస్టు చేసింది. ఇండియా త‌ర‌పున 2011 నుంచి 2015 వ‌ర‌కు ఆర‌న్ 9 టెస్టులు ఆడాడు. స్వ‌దేశీ క్రికెట్‌లో అత‌ను జార్ఖండ్‌కు ఆడేవాడు. ఇటీవ‌లే అత‌ను డొమెస్టిక్ కెరీర్‌కు గుడ్‌బై చెప్పాడు. ఓ ద‌శ‌లో 150 కిలోమీట‌ర్ల వేగంతో బంతులు వేసే ఆర‌న్‌.. చాలా త్వ‌ర‌గా టెస్టు కెరీర్‌ను ముగించాడు. త‌రుచూ గాయాలు కావ‌డంతో అత‌ను ఎక్కువ‌గా జాతీయ జ‌ట్టుకు ఆడ‌లేక‌పోయాడు.

A fiery addition to our coaching staff! Welcome Varun Aaron as our new bowling coach 🔥🧡#PlayWithFire pic.twitter.com/qeg1bWntC5

— SunRisers Hyderabad (@SunRisers) July 14, 2025