Visit:
USA vs PAK : ప్రపంచకప్లో తొలి పోరులో అతికష్టమ్మీద గెలిచిన పాకిస్థాన్ రెండో మ్యాచ్లో సాధికారిక విజయం సాధించింది. ఓపెనర్ ఫర్హాన్ (73), బాబర్ ఆజాం(46)ల మెరుపులతో భారీ స్కోర్ చేసిన పాక్.. అనంతరం యూఎస్ఏను కట్టడి చేసింది. శుభం రంజనే(51), షయాన్ జహంగీర్(49) పోరాడినా స్పిన్నర్ ఉమర్ తారీఖ్(3-27), షాదాబ్ ఖాన్(2-26)లు తిప్పేయడంతో మిగతా బ్యాటర్లు చేతులెత్తేశారు. దాంతో.. 33 పరుగుల తేడాతో గెలుపొందిన పాక్ 4 పాయింట్లతో గ్రూప్ ఏలో అగ్రస్థానానికి దూసుకెళ్లింది.
పాక్ నిర్దేశించిన భారీ ఛేదనను దూకుడుగా ఆరంభించారు యూఎస్ఏ ఓపెనర్లు. అండ్రీస్ గౌస్(13), షయాన్ జహంగీర్(49)లు బౌండరీలతో చెలరేగి పాక్ బౌలర్లను ఒత్తిడిలోకి నెట్టారు. కానీ, నవాజ్ తన మొదటి ఓవర్లోనే గౌస్ను బోల్తా కొట్టించాడు. కాసేపటికే కెప్టెన్ మొనాంక్ పటేల్(3)ను షాదాబ్ ఖాన్(2-26) వెనక్కి పంపగా.. జహంగీర్, మిలింద్ కుమార్(29)లు ఆచితూచి ఆడారు. పవర్ ప్లేల అనంతరం స్పిన్నర్లు రంగలోకి దిగడంతో బౌండరీలు రాలేదు.
No upset this time!
Pakistan hold off USA to make it two wins from two at this year’s #T20WorldCup 🇵🇰
Scorecard: https://t.co/A8ofIAfuj6 pic.twitter.com/ByyQsSq4lq
— ESPNcricinfo (@ESPNcricinfo) February 10, 2026
దాంతో.. ఒత్తిడి పెరిగి జహంగీర్, మిలింద్లు పెద్ద షాట్ ఆడి వికెట్ పారేసుకున్నారు. మిడిల్ ఓవర్లలో ఉమర్ తారీఖ్(3-25) వైవిధ్యమైన బౌలింగ్లో షాట్లు ఆడలేక అమెరికా బ్యాటర్లు ఇబ్బంది పడ్డారు. సహచరులు వెనుదిరుగుతున్నా శుభం రంజనే(51) అర్ధ శతకంతో పోరాడాడు. కానీ, అది సరిపోలేదు. ఆఖరి ఓవర్లో షాహీన్ అఫ్రిది రెండు వికెట్లు తీశాడు. దాంతో, 33 పరుగుల తేడాతో పాక్ గెలుపొందింది.
పొట్టి ప్రపంచకప్ రెండో మ్యాచ్లోనూ అమెరికా పేసర్ శాడ్లీ వాన్(4-25) వికెట్ల వేటతో రెచ్చిపోయాడు. కొలంబోలోని సింహలీస్ స్పోర్ట్స్ క్లబ్లో పాకిస్థాన్ బ్యాటర్లను బోల్తా కొట్టించిన అతడు.. 190లోపే పాక్ను కట్టడి చేయడంలో కీలకమయ్యాడు. యూఎస్ఏ బౌలర్లును సమర్ధంగా ఎదుర్కొన్న ఓపెనర్ ఫర్మాన్(73) అర్ధ శతకంతో రాణించగా.. బాబర్ ఆజాం(46) ఫామ్ చాటుకుంటూ కీలక ఇన్నింగ్స్ ఆడాడు. డెత్ ఓవర్లలో షాదాబ్ ఖాన్(30) దంచేశాడు. దాంతో.. పాక్ నిర్ణీత ఓవర్లలో 9 వికెట్ల నష్టానికి190 పరుగులు చేసింది.
