ఈక్వెస్ట్రియన్‌ జాతీయ క్వాలిఫయర్స్‌ షురూ

ఈక్వెస్ట్రియన్‌ జూనియర్‌ నేషనల్‌ రెండో క్వాలిఫయర్స్‌ టోర్నమెంట్‌ బుధవారం నగరంలోని హైదరాబాద్‌ పోలో, రైడింగ్‌ క్లబ్‌ (హెచ్‌పీఆర్‌సీ) వేదికగా ప్రారంభమైంది.

హైదరాబాద్‌, ఆట ప్రతినిధి : ఈక్వెస్ట్రియన్‌ జూనియర్‌ నేషనల్‌ రెండో క్వాలిఫయర్స్‌ టోర్నమెంట్‌ బుధవారం నగరంలోని హైదరాబాద్‌ పోలో, రైడింగ్‌ క్లబ్‌ (హెచ్‌పీఆర్‌సీ) వేదికగా ప్రారంభమైంది. జాతీయ ఈక్వెస్ట్రియన్‌ సమాఖ్య ఆధ్వర్యంలో జరిగే ఈ పోటీల్లో డ్రెస్సేజ్‌, షో జంపింగ్‌ ఈవెంట్లలో తెలంగాణతో పాటు పొరుగు రాష్ర్టాల రైడర్లు పోటీపడుతున్నారు.

మరోవైపు తెలంగాణ రాష్ట్ర ఈక్వెస్ట్రియన్‌ చాంపియన్‌షిప్‌ శుక్రవారం మొదలవుతుందని, పోటీలను తిలకించేందుకు ప్రేక్షకులకు ఉచిత ప్రవేశం కల్పిస్తున్నట్టు హెచ్‌పీఆర్‌సీ అధ్యక్షుడు చైతన్య ఆర్‌. కుమార్‌ తెలిపారు.