లండన్: జెంటిల్మన్ గేమ్ క్రికెట్లో మరోసారి క్రీడాస్ఫూర్తిని చాటిన సందర్భమిది. జో రూట్ కెప్టెన్సీలోని యార్క్షైర్ టీమ్ గొప్ప మనసు చాటుకుంది. రన్ తీయడానికి ప్రయత్నిస్తూ మధ్యలోనే గాయపడిన లాంకషైర్ బ్యాట్స్మన్ను రనౌట్ చేయొద్దని నిర్ణయించి ప్రేక్షకుల మన్ననలు అందుకుంది. శనివారం జరిగిన ఈ కౌంటీ మ్యాచ్లో జరిగిన ఘటన తాలూకు వీడియో ఇప్పుడు వైరల్ అవుతోంది. స్టీవెన్ క్రాఫ్ట్ అనే బ్యాట్స్మన్ పరుగు తీయడానికి వెళ్తూ పిచ్ మధ్యలోనే కాలికి గాయమవడంతో కుప్పకూలాడు. ఆలోపే ఫీల్డర్ త్రో విసిరినా.. కెప్టెన్ జో రూట్ వద్దని చెప్పడంతో వికెట్ కీపర్ హ్యారీ డ్యూక్ వికెట్లను గిరాటేయకుండా ఆగిపోయాడు. ఇదీ అసలైన క్రీడాస్ఫూర్తి అంటూ నెటిజన్లు జో రూట్ టీమ్పై ప్రశంసల వర్షం కురిపిస్తున్నాయి.