ఇంగ్లండ్‌ క్లీన్‌స్వీప్‌

స్వదేశంలో వెస్టిండీస్‌తో జరిగిన రెండు మ్యాచ్‌ల టెస్టు సిరీస్‌ను ఇంగ్లండ్‌ 2-0తో క్లీన్‌స్వీప్‌ చేసింది. తొలి ఇన్నింగ్స్‌లో 41 పరుగులు వెనుకబడ్డ బెన్‌ స్టోక్స్‌ సేన.. రెండో ఇన్నింగ్స్‌లో 425 పరుగుల భారీ స్కోరు చేసింది.

• రెండో టెస్టులోనూ ఓడిన విండీస్‌

ట్రెంట్‌బ్రిడ్జ్‌(నాటింగ్‌హామ్‌) : స్వదేశంలో వెస్టిండీస్‌తో జరిగిన రెండు మ్యాచ్‌ల టెస్టు సిరీస్‌ను ఇంగ్లండ్‌ 2-0తో క్లీన్‌స్వీప్‌ చేసింది. తొలి ఇన్నింగ్స్‌లో 41 పరుగులు వెనుకబడ్డ బెన్‌ స్టోక్స్‌ సేన.. రెండో ఇన్నింగ్స్‌లో 425 పరుగుల భారీ స్కోరు చేసింది. ఇంగ్లండ్‌ స్టార్‌ బ్యాటర్‌ జో రూట్‌ (122) టెస్టు కెరీర్‌లో 32వ సెంచరీ పూర్తిచేయగా యువ ఆటగాడు హ్యారీ బ్రూక్‌ (109) ఐదో టెస్టు శతకం చేశాడు. డకెట్‌ (76), ఓలీ పోప్‌ (51) సైతం రాణించడంతో ఆ జట్టు విండీస్‌ ఎదుట ఆతిథ్య జట్టు 385 పరుగుల విజయలక్ష్యాన్ని ఉంచింది. భారీ ఛేదనలో విండీస్‌ 36.1 ఓవర్లలో 143 పరుగులకే ఆలౌట్‌ అయి 241 పరుగుల తేడాతో పరాభవం పాలైంది.

తొలి ఇన్నింగ్స్‌లో భారీ స్కోరు (457) చేసిన ఆ జట్టు రెండో ఇన్నింగ్స్‌లో తేలిపోయింది. ఓపెనర్లు క్రెయిగ్‌ బ్రాత్‌వైట్‌ (47), లూయిస్‌ (17) తొలి వికెట్‌కు 61 పరుగులు జోడించినా ఆ తర్వాత బ్యాటింగ్‌ ఆర్డర్‌ పేకమేడలా కూలిపోయింది. షోయబ్‌ బషీర్‌ (5/41), క్రిస్‌ వోక్స్‌ (2/28), అట్కిన్సన్‌ (2/49) ధాటికి విండీస్‌ వరుసగా వికెట్లు కోల్పోయి ఓటమిపాలైంది. లార్డ్స్‌ వేదికగా జరిగిన తొలి టెస్టులో ఇంగ్లండ్‌ ఘనవిజయం సాధించిన విషయం విదితమే.