IPL 2023 : పదహారో సీజన్ ఐపీఎల్ కోసం ఇంగ్లండ్ వన్డే జట్టు కెప్టెన్ జోస్ బట్లర్ (Jos Buttler) భారత్ చేరుకున్నాడు. అతడు ఇండియాకు వచ్చిన వీడియోను రాజస్థాన్ రాయల్స్(Rajasthan Royals) ఫ్రాంఛైజీ సోషల్మీడియాలో పోస్ట్ చేసింది. ఆ వీడియోలో బట్లర్.. ‘యుజీ (యజువేంద్ర చాహల్) ఎక్కడ?’ అని అంటాడు. 15వ సీజన్లో ఓపెనర్గా బరిలోకి దిగిన బట్లర్ విధ్వంసక ఇన్నింగ్స్లతో రాజస్థాన్ను ఎన్నోమ్యాచుల్లో గెలిపించాడు. 17 మ్యాచుల్లో 863పరుగులు చేసి ఆ ఆరెంజ్ క్యాప్ అందుకున్నాడు.
ఆకాశమే హద్దుగా చెలగేగిన అతను నాలుగు సెంచరీలు, నాలుగు అర్ధ శతకాలు బాదాడు. 149.05 స్ట్రయిక్ రేటుతో ఆడిన ఈ హిట్టర్ శాంసన్ సేన ఫైనల్ చేరడంలో బట్లర్ కీలక పాత్ర పోషించాడు. ఫైనల్లో గుజరాత్ టైటన్స్ 7 వికెట్ల తేడాతో గెలుపొందింది. దాంతో, రాజస్థాన్ రన్నరప్తో సరిపెట్టుకుంది.
16వ సీజన్ ఐపీఎల్ మార్చి 31న ప్రారంభం కానుంది. తొలి మ్యాచ్లో డిఫెండింగ్ చాంపియన్ గుజరాత్ టైటన్స్ (Gujrat Titans,), చెన్నై సూపర్ కింగ్స్(Chennai Super Kings, ) తలపడనున్నాయి. రాజస్థాన్ జట్టు ఏప్రిల్ 2న ఈ సీజన్ తొలి మ్యాచ్లో సన్ రైజర్స్ హైదరాబాద్ను ఢీ కొట్టనుంది. గత సీజన్లో ఆరెంజె క్యాప్ అందుకున్న బట్లర్ ఈసారి కూడా రాజస్థాన్కు కీలకం కానున్నాడు. ఇరానీ కప్లో సెంచరీ, డబుల్ సెంచరీ బాదిన ఓపెనర్ యశస్వీ జైస్వాల్ ఈ సీజన్లో రాణించాలని ఆరాటపడుతున్నాడు. కెప్టెన్ సంజూ శాంసన్, ఆల్రౌండర్ రాహుల్ తెవాటియా కూడా చెలరేగితే ఇక రాజస్థాన్కు ఎదురుండదు.