Dipa Karmakar | జాతీయ పోటీల్లో గోల్డ్ మెడ‌ల్.. ప్యారిస్ ఒలింపిక్స్‌పై గురిపెట్టిన దీప‌

Dipa Karmakar : భార‌త స్టార్ జిమ్నాస్ట్ దీపా క‌ర్మాక‌ర్(Dipa Karmakar) ప్ర‌తిష్ఠాత్మ‌క‌ సీనియ‌ర్ ఆర్టిస్టిక్ జిమ్నాస్టిక్స్ నేష‌న‌ల్ చాంపియ‌న్‌షిప్స్‌(Senior National Championship) పోటీల్లో స‌త్తా చాటింది. అన్ని అగ్ర‌స్థానంలో నిలిచి గోల్డ్ మెడ‌ల్...

January 6, 2024 / 03:14 PM IST

Dipa Karmakar | జాతీయ పోటీల్లో గోల్డ్ మెడ‌ల్.. ప్యారిస్ ఒలింపిక్స్‌పై గురిపెట్టిన దీప‌

Dipa Karmakar : భార‌త స్టార్ జిమ్నాస్ట్ దీపా క‌ర్మాక‌ర్(Dipa Karmakar) ప్ర‌తిష్ఠాత్మ‌క‌ సీనియ‌ర్ ఆర్టిస్టిక్ జిమ్నాస్టిక్స్ నేష‌న‌ల్ చాంపియ‌న్‌షిప్స్‌(Senior National Championship) పోటీల్లో స‌త్తా చాటింది. అన్ని అగ్ర‌స్థానంలో నిలిచి గోల్డ్ మెడ‌ల్ సాధించింది. ఎనిమిదేండ్ల విరామం త‌ర్వాత ఈ పోటీల్లో బ‌రిలోకి దిగిన దీప ఆల్‌రౌండ్ ప్ర‌ద‌ర్శ‌న‌తో స్వ‌ర్ణ ప‌త‌కంతో మెర‌వ‌డం విశేషం. ఈ విజ‌యం స్ఫూర్తితో దీప ప్యారిస్‌ ఒలింపిక్స్‌(Paris Olympics)పై గురి పెట్టింది.

‘చాలా సంతోషంగా ఉంది. ఎనిమిదేండ్ల త‌ర్వాత నేష‌న‌ల్ చాంపియ‌న్‌షిప్స్‌లో పాల్గొన్నా. ఆల్‌రౌండ్ టైటిల్ గెల‌వ‌డం ఎంతో తృప్తినిచ్చింది. ఇప్పుడు నా దృష్టంతా వ‌ర‌ల్డ్ క‌ప్ సిరీస్, ఆసియా చాంపియ‌న్‌షిప్స్ (Asian Championship) మీద‌నే ఉంది’ అని దీప వెల్ల‌డించింది. వ్య‌క్తిగ‌త విభాగంలో 49.55 పాయింట్ల‌తో అగ్ర‌స్థానంలో నిల‌వ‌గా.. స్వస్తిక గంగూలీ 45.30 పాయింట్ల‌తో రెండో స్థానంతో స‌రిపెట్టుకుంది. ఇక‌ పోల్‌వాల్ట్‌లో ప్ర‌ణతి నాయ‌క్ బంగారు ప‌త‌కంతో మెరిసింది.

View this post on Instagram

A post shared by Dipa Karmakar 💛🧿 (@dipakarmakarofficial)

బ్రెజిల్‌లో 2016లో జ‌రిగిన ఒలింపిక్స్‌లో దీపా క‌ర్మాక‌ర్ అద‌రగొట్టింది. ఫైన‌ల్లో నాలుగో స్థానంలో నిలిచి భార‌త‌దేశం గ‌ర్వించేలా చేసింది. అయితే.. 2018లో వ‌ర‌ల్డ్ క‌ప్ సిరీస్ ముందు మోకాలి గాయంతో బాధ‌ప‌డిన ఆమె స‌ర్జ‌రీ చేయించుకుంది. నిషేధిత డ్ర‌గ్ తీసుకుంద‌నే కార‌ణంతో 19వ ఆసియా గేమ్స్ పోటీల‌కు మందు దీప‌పై నిషేధం విధించారు. అన్ని ట్ర‌య‌ల్స్‌లో టాప్‌లో వ‌చ్చినా ఆమెను ప‌క్క‌న పెట్టేశారు. దాంతో, జాతీయ చాంపియ‌న్‌షిప్‌ను దీప సీరియ‌స్‌గా తీసుకుంది. ప్యారిస్ ఒలింపిక్స్‌లో టైటిల్ కొల్ల‌గొట్ట‌డ‌మే ల‌క్ష్యంగా సాధ‌న చేస్తోంది.