CM Cup | ఈనెల 7 నుంచి సీఎం కప్‌.. జనవరి 2 వరకు రాష్ట్ర స్థాయి పోటీలు

గ్రామీణ ప్రాంత ప్లేయర్ల ప్రతిభను వెలుగులోకి తీసుకొచ్చే లక్ష్యంతో మొదలైన సీఎం కప్‌ టోర్నీ షెడ్యూల్‌ ఖరారైంది. శనివారం ఎల్బీ స్టేడియంలో ఏర్పాటు చేసిన మీడియా భేటిలో సాట్స్‌ చైర్మన్‌ శివసేనారెడ్డి పలు అంశాలను వివరించారు.

CM Cup | హైదరాబాద్‌, ఆట ప్రతినిధి : గ్రామీణ ప్రాంత ప్లేయర్ల ప్రతిభను వెలుగులోకి తీసుకొచ్చే లక్ష్యంతో మొదలైన సీఎం కప్‌ టోర్నీ షెడ్యూల్‌ ఖరారైంది. శనివారం ఎల్బీ స్టేడియంలో ఏర్పాటు చేసిన మీడియా భేటిలో సాట్స్‌ చైర్మన్‌ శివసేనారెడ్డి పలు అంశాలను వివరించారు. ఈనెల 7నుంచి గ్రామస్థాయిలో మొదలై..10-12 వరకు మండల, 16 నుంచి 21 వరకు జిల్లా, 27 నుంచి జనవరి 2 వరకు రాష్ట్ర స్థాయిలో పోటీలు జరుగుతాయని ఆయన తెలిపారు. టోర్నీలో పోటీపడే ప్లేయర్ల కోసం గేమ్స్‌ మేనేజ్‌మెంట్‌ సిస్టం(జీఎంఎస్‌) ద్వారా రిజిస్ట్రేషన్లు చేసుకునే అవకాశం కల్పించారు.