IPL 2023: ఐపీఎల్ నుంచి ఆర్చ‌ర్ ఔట్‌.. అత‌ని స్థానంలో మ‌రో ఇంగ్లండ్ క్రికెట‌ర్‌

IPL 2023: ముంబై ఇండియ‌న్స్ బౌల‌ర్ ఆర్చ‌ర్ .. ఐపీఎల్ సీజ‌న్‌లో మిగితా మ్యాచ్‌ల‌కు దూరం అయ్యాడు. గాయ‌ప‌డ్డ అత‌ని స్థానంలో క్రిస్ జోర్డాన్‌ను తీసుకున్నారు. ఈసీబీ స‌మ‌క్షంలో ఇక నుంచి ఆర్చ‌ర్ .. రిహాబిలిటేష‌న్‌లో పాల్గొన‌నున్నారు.

న్యూఢిల్లీ: ఐపీఎల్‌(IPL 2023)లో ముంబై ఇండియ‌న్స్‌కు జ‌ల‌క్‌ త‌గిలింది. బౌల‌ర్ జోఫ్రా ఆర్చ‌ర్ ఆ జ‌ట్టుకు దూరం అయ్యాడు. ఈ సీజ‌న్‌లోని మిగితా మ్యాచ్‌ల‌కు అత‌ను అందుబాటులో ఉండ‌డం లేదు. దీనిపై ముంబై ఇండియ‌న్స్ ఓ ట్వీట్ చేసింది. ఆర్చ‌ర్ స్వదేశానికి వెళ్తున్న‌ట్లు పేర్కొన్న‌ది. ఈసీబీ ప‌ర్య‌వేక్ష‌ణ‌లో ఆర్చ‌ర్ ప‌రిశీలిన కొన‌సాగుతుంద‌ని ముంబై ఇండియ‌న్స్ తెలిపింది. రోహిత్ శ‌ర్మ నేతృత్వంలోని ఎంఐ జ‌ట్టు రెండు కోట్లు పెట్టి ఆర్చ‌ర్‌ను కొనుగోలు చేసింది.

ఆర్చ‌ర్ స్థానంలో క్రిస్ జోర్డాన్‌కు ఛాన్స్ ఇచ్చారు. 2016 సీజ‌న్‌లో జోర్డాన్ ఐపీఎల్ ఎంట్రీ ఇచ్చాడు. అత‌ను ఇప్పటి వ‌ర‌కు 28 ఐపీఎల్ మ్యాచ్‌లు ఆడాడు. అత‌ని ఖాతాలో 27 వికెట్లు ఉన్నాయి. ఆ ఇంగ్లండ్ క్రికెట‌ర్ ఇప్ప‌టి వ‌ర‌కు 87 టీ20లు ఆడాడు. దాంట్లో అత‌ను 96 వికెట్లు తీసుకున్నాడు.

𝗖𝗵𝗿𝗶𝘀 𝗝𝗼𝗿𝗱𝗮𝗻 𝗷𝗼𝗶𝗻𝘀 𝗠𝘂𝗺𝗯𝗮𝗶 𝗜𝗻𝗱𝗶𝗮𝗻𝘀

Chris Jordan will join the MI squad for the rest of the season.

Chris replaces Jofra Archer, whose recovery and fitness continues to be monitored by ECB. Jofra will return home to focus on his rehabilitation.… pic.twitter.com/wMPBdmhDRf

— Mumbai Indians (@mipaltan) May 9, 2023