Chinmay Sutar: చ‌రిత్ర సృష్టించిన మిజోరం బ్యాట‌ర్.. చిన్మ‌య‌ సుతార్ 400 నాటౌట్‌

Chinmay Sutar: రంజీ మ్యాచ్‌లో మిజోరం బ్యాట‌ర్ చిన్మ‌య సుతార్ చ‌రిత్ర సృష్టించాడు. నాగాలాండ్‌తో జ‌రిగిన రంజీ మ్యాచ్‌లో అత‌ను వ్య‌క్తిగ‌తంగా 400 ర‌న్స్ చేసి నాటౌట్‌గా నిలిచాడు. 29 ఏళ్ల సుతార్ త‌న రెండో ఫ‌స్ట్ క్లాస్ మ్యాచ్ ఆడుతున్నాడు. అత‌ని ఇన్నింగ్స్‌లో 46 ఫోర్లు, ఏడు సిక్స‌ర్లు ఉన్నాయి.

దిమాపుర్: మిజోరం బ్యాట‌ర్ చ‌రిత్ర సృష్టించాడు. నాగాలాండ్‌తో జ‌రిగిన రంజీ మ్యాచ్‌లో .. చిన్మ‌య సుతార్(Chinmay Sutar) 400 ర‌న్స్ చేసి నాటౌట్‌గా నిలిచాడు. 29 ఏళ్ల సుతార్ త‌న రెండో ఫ‌స్ట్ క్లాస్ మ్యాచ్ ఆడుతున్నాడు. రంజీ ట్రోఫీలో పృథ్వీ షా పేరిట ఉన్న 379 ప‌రుగుల సెకండ్ హ‌య్యెస్ట్ స్కోరు మొలురాయిని సుతార్ దాటేశాడు. మిజోరం 155వ ఓవ‌ర్‌లో సుతార్ ఆ రికార్డు అందుకున్నాడు. రెండో రోజు టీ బ్రేక్ స‌మ‌యానికి 393 వ‌ద్ద నాటౌట్‌గా ఉన్న అత‌ను.. ఆ త‌ర్వాత 400 మైలురాయి చేరుకున్నాడు. మిజోరం త‌న తొలి ఇన్నింగ్స్‌ను 9 వికెట్ల న‌ష్టానికి 581 ర‌న్స్ వ‌ద్ద డిక్లేర్ చేసింది. చివ‌రి వికెట్‌కు లాల్‌రెంపుయాతో క‌లిసి అత‌ను 189 ర‌న్స్ జోడించారు. సుతార్ గ‌తంలో ముంబై స్థానిక జ‌ట్ల‌కు ఆడాడు. సింద్ స్పోర్ట్స్ క్ల‌బ్‌లో కొన్నాళ్లు ఆడాడు. ఆ త‌ర్వాత క్రికెట్ క్ల‌బ్ ఆఫ్ ఇండియాలో చేరాడు. ముంబై అండ‌ర్‌-23 జ‌ట్టులో ఆడినా.. సీనియ‌ర్ లెవ‌ల్‌లో అత‌నికి ఎక్కువ అవ‌కాశాలు రాలేదు. నాగాలాండ్‌తో మ్యాచ్‌లో 517 బంతులు ఆడిన సుతార్ ఇన్నింగ్స్‌లో 46 ఫోర్లు, ఏడు సిక్స‌ర్లు ఉన్నాయి.