Chess | ఇంటర్నేషనల్ మాస్టర్ టైటిల్ సాధించి.. గ్రాండ్‌మాస్టర్ టైటిల్‌కు చేరువలో తెలంగాణ బిడ్డ

చెస్‌లో అందరూ కలలు కనే గ్రాండ్ మాస్టర్ టైటిల్‌కు చేరువలో ఉన్నాడు మన తెలంగాణ బిడ్డ ప్రణీత్ ఉప్పల. 11 ఏళ్ల వయసులో తొలిసారి ఇంటర్నేషనల్ మాస్టర్ నార్మ్ అందుకున్న అతను.. 2022 జనవరిలో జరిగిన వెర్గానీ కప్‌లో అత్యుత్తమ ప్రదర్శనతో మరో ఐఎం (ఇంటర్నేషనల్ మాస్టర్)-నార్మ్ అందుకున్నాడు.

ఈ క్రమంలోనే మార్చి 15న ఇంటర్నేషనల్ మాస్టర్ రత్నవేల్‌తో జరిగిన మ్యాచ్‌ను డ్రా చేసుకోవడంతో తొలి ఇంటర్నేషనల్ మాస్టర్ టైటిల్ కైవసం చేసుకున్నాడు. దీంతోపాటు తొలి గ్రాండ్‌మాస్టర్ (జీఎం)-నార్మ్ కూడా అందుకున్నాడు. ఈ సందర్భంగా అతనికి శుభాకాంక్షలు వెల్లువెత్తాయి.

2021 సెప్టెంబరులో 2253 రేటింగ్‌త ఉన్న అతను ఐదు నెలల్లోనే 179 పాయింట్లు సాధించాడు. ఈ క్రమంలో ఇంటర్నేషనల్ టైటిల్‌కు కావలసిన అర్హతలన్నీ పూర్తిచేశాడు. ప్రస్తుతం 67.9 ఎలో పాయింట్లతో ఉన్న ప్రణీత్.. గ్రాండ్ మాస్టర్ టైటిల్ సాధించడానికి రెండంటే రెండు నార్మ్‌ (ఉత్తమ ప్రదర్శన)ల దూరంలో నిలిచాడు. త్వరలోనే ఇవి కూడా సాధించి భారత దేశపు తర్వాతి గ్రాండ్‌మాస్టర్‌గా ప్రణీత్ అవతరించాలని కోరుకుందాం.