Tiger Woods : గోల్ఫ్ కింగ్ టైగర్ వుడ్స్(Tiger Woods)కు భారీ ఊరట లభించింది. మాజీ ప్రేయసి ఎరికా హెర్మన్(Erica Herman) అతడిపై కోర్టులో వేసిన రూ.200 కోట్ల దావాను వెన్కక్కి తీసుకుంది. టైగర్ వుడ్స్ ఎస్టేట్లోని బంగ్లా నుంచి తనను బలవంతంగా ఖాళీ చేయించాడని హెర్మన్ 2022 అక్టోబర్లో కోర్టులో అతడిపై కేసు వేసింది. అందుకుగానూ తనకు 30 మిలియన్ డాలర్లు (రూ.200 కోట్లకు పైగా) పరిహారంగా ఇవ్వాలని ఆమె కోర్టును కోరింది.
ఫ్లోరిడా రెసిడెన్షియల్ టెనంట్ చట్టం(Florida Residential Landlord Tenant Act) ప్రకారం చేసుకున్న ఒప్పందాన్ని వుడ్స్ ఉల్లంఘించాడని ఆమె తన ఫిర్యాదులో తెలిపింది. అయితే.. ఆమె తన నిర్ణయం మార్చుకొని ఈమధ్యే కేసు వాపసు తీసుకుంది.
ఎరికా హెర్మన్, టైగర్ వుడ్స్
వుడ్స్, హెర్మన్ 2015లో ప్రేమలో పడ్డారు. దాంతో, వుడ్స్ ఫ్లోరిడాలోని తన ఎస్టేట్లో హెర్మన్ ఉండేందుకు ఓ గదిని అద్దెకు ఇచ్చాడు. ఆ సమయంలో అతను బాండ్ పేపర్ మీద అగ్రిమెంట్ రాసుకోలేదు. అయితే.. ఇద్దరి మధ్య విభేదాలు రావడంతో 2022లో విడిపోవాలని నిర్ణయించుకున్నారు. కానీ, వుడ్స్ తనను బలవంతంగా ఎస్టేట్ గది నుంచి పంపించాడని హెర్మన్ కోర్టును ఆశ్రయించింది. తనకు పరిహారంగా 30 మిలియన్ డాలర్లు ఇప్పించాలని కోరింది.