Visit:
INDW vs SLW : స్వదేశంలో జరుగుతున్న వన్డే వరల్డ్ కప్ ఆరంభ పోరులో భారత జట్టు ప్రత్యర్థికి భారీ లక్ష్యాన్ని నిర్దేశించింది. మిడిలార్డర్ తడబడినా అమన్‌జోత్ కౌర్ (57), దీప్తి శర్మ(53)లు అర్ధ శతకాలతో చెలరేగి జట్టుకు పోరాడగలిగే స్కోరందించారు. శ్రీలంక స్పిన్నర్ ఇనొకా రణవీర (4-46) విజృంభణతో ఒక దశలో124కే ఆరు వికెట్లు పడి ఆలౌట్ అంచున నిలిచిన టీమిండియా ఇన్నింగ్స్‌కు ఇరుసులా నిలిచారిద్దరూ. ఏడో వికెట్‌కు సెంచరీ భాగస్వామ్యం నెలకొల్పి ఆదుకున్నారు. ఆఖరి బంతికి దీప్తి ఔట్ కాగా భారత్ 47 ఓవర్లలో 8 వికెట్ల నష్టానికి 269 పరుగులు చేసింది.
వర్షం అంతరాయాల నడుమ సాగిన వరల్డ్ కప్ ఆరంభ పోరులో భారత జట్టు భారీ స్కోర్ చేసింది. అలాగని ఫామ్‌లో ఉన్న ఓపెనర్ స్మృతి మంధాన (8), ప్రతీకా రావల్ (37) రాణించలేదు. మిడిలార్డర్ అయినా నిలబడతారనుకుంటే చేతులెత్తేశారు. అయినా సరే టీమిండియా ప్రత్యర్థి శ్రీలంకు 270 పరుగుల లక్ష్యాన్ని నిర్దేశించగలిగిందంటే అందుకు కారణం అమన్‌జోత్ కౌర్ (57), దీప్తి శర్మ(53). ఈ ఇద్దరి అద్భుత పోరాటంతో పుంజుకుంది టీమిండియా.
𝙄𝙣𝙣𝙞𝙣𝙜𝙨 𝘽𝙧𝙚𝙖𝙠!#TeamIndia posted 269/8 on the board! 💪
5⃣7⃣ for Amanjot Kaur
5⃣3⃣ for Deepti Sharma
4⃣8⃣ for Harleen Deol
3⃣7⃣ for Pratika Rawal
2⃣8⃣* for Sneh RanaOver to our bowlers now! 👍
Scorecard ▶️ https://t.co/lcSNn7a0WF#WomenInBlue | #CWC25 | #INDvSL pic.twitter.com/x9kxGnrGH4
— BCCI Women (@BCCIWomen) September 30, 2025
మంధాన ఔటయ్యాక ప్రతీకతో కలిసి ఇన్నింగ్స్ నిర్మించింది హర్లీన్ డియోల్ (48). అర్ధ శతకానికి చేరువైన ఆమెను ఔట్ చేసిన ఇనొకా రణవీర తర్వాతి బంతికే జెమీమా రోడ్రిగ్స్ (0) ను క్లీన్ బౌల్డ్ చేసింది. దాంతో.. హ్యాట్రిక్‌పై నిలిచింది. కానీ, దీప్తి శర్మ(53) వికెట్‌ను కాపాడుకుంది. కానీ, సింగిల్ రాగా క్రీజులోకి వచ్చిన కెప్టెన్ హర్మన్‌ప్రీత్ కౌర్ (21) కట్ షాట్ ఆడబోయి వికెట్ కీపర్ సంజీవని చేతికి చిక్కింది. దాంతో.. 120-3తో పటిష్టంగా ఉన్న టీమిండియా 124-5 కు చేరింది. ఆ మరసటి ఓవర్లో రీచా ఘోష్(2) సైతం డియోల్ మాదిరిగానే కవర్స్‌లో ఆడబోయి చేతికి క్యాచ్ ఇచ్చింది. అంతే.. చూస్తుండగానే ఆరు వికెట్లు పడ్డాయి.
టెయిలెండర్లతో కలిసి దీప్తి శర్మ జట్టుకు పోరాడగలిగే స్కోర్ అందించే బాధ్యత తీసుకుంది. ఆమెకు అమన్‌జోత్ కౌర్ (57) అండగా నిలవడమే కాదు భారీ షాట్లతో లంక బౌలర్ల లయను దెబ్బతీసింది. కవిష ఓవర్లో సిక్సర్‌తో జట్టు స్కోర్ 170 దాటించింది. వీలుచిక్కినప్పుడల్లా బౌడరీలు బాదుతూ.. వీరిద్దరూ 78 బంతుల్లో 86 పరుగుల జోడించారు. దాంతో, భారత్ మరోసారి వర్షం అంతరాయం కలిగించే సమయానికి 40 ఓవర్లకు 210 రన్స్ చేయగలిగింది. బౌండరీ లైన్ వద్ద డైవ్ చేస్తూ క్యాచ్ అందుకోవడంతో సెంచరీ (103) భాగస్వామ్యానికి తెరపడింది. వర్షం కారణంగా 47 ఓవర్లకు కుదించడంతో హర్మన్‌ప్రీత్ సేన 8 వికెట్లు కోల్పోయి 269 రన్స్ చేసింది.
16th ODI 5⃣0⃣ for Deepti Sharma! 👏 👏
What a crucial knock this has been! 👌 👌
Updates ▶️ https://t.co/lcSNn7a0WF#TeamIndia | #WomenInBlue | #CWC25 | #INDvSL pic.twitter.com/DpxlWjcznd
— BCCI Women (@BCCIWomen) September 30, 2025
