Novak Djokovic : వరల్డ్ నంబర్ 1 నొవాక్ జకోవిచ్(Novak Djokovic) జైత్రయాత్రకు బ్రేక్ పడింది. 43 మ్యాచ్ల్లో వరుస విజయాలతో దూసుకెళ్తున్న జకోకు 12వ ర్యాంకర్ అలెక్స్ డి మినౌర్(Alex De Minaur) చెక్ పెట్టాడు. ఆస్ట్రేలియాకు చెందిన మినౌర్ బుధవారం యునైటెడ్ కప్(United Cup) క్వార్టర్ ఫైనల్లో సెర్బియా స్టార్ను ఓడించాడు. 94 నిమిషాల పాటు సాగిన మ్యాచ్లో రెండు సెట్లలో జోరు చూపిస్తూ 6-4, 6-4తో టాప్ సీడ్ జకోను మట్టికరిపించాడు.
2018 ఆస్ట్రేలియా ఓపెన్ క్వార్టర్ ఫైనల్లో ఓటమి తర్వాత.. కంగారూల గడ్డపై మళ్లీ జకోవిచ్ పరాజయం పాలవ్వడం ఇదే మొదటిసారి. మరో మ్యాచ్లో అజ్లా తొమ్ల్జనోవిక్(Ajla Tomljanovic) సెర్బియాకే చెందిన నటలిజా స్టెవానోవిక్పై 6-1, 6-1తో గెలుపొందింది. దాంతో, 2-0 ఆధిక్యంతో ఆస్ట్రేలియా దర్జాగా సెమీస్కు దూసుకెళ్లింది.
Ohhhhhhh…
STOP THAT, @alexdeminaur!!! 💫#UnitedCup pic.twitter.com/pPGbax31vB
— United Cup (@UnitedCupTennis) January 3, 2024
‘ఈ రోజు నిజంగా చాలా స్పెషల్. నొవాక్ అద్భుతమైన ప్రత్యర్థి. ఆస్ట్రేలియా గడ్డపై తిరుగులేని అతడిని ఓడించినందుకు చాలా సంతోషంగా ఉంది. జకోవిచ్తో తలపడేటప్పుడు మ్యాచ్ను ఎంజాయ చేయాలి. అదేసమయంలో చివరిదాకా పోరాడాలి’ అని మినౌర్ మ్యాచ్ అనంతరం అన్నాడు. నిరుడు ఆస్ట్రేలియన్ ఓపెన్లో కూడా జకోవిచ్పై మినౌర్ పైచేయి సాధించాడు. కెరీర్లో 24 గ్రాండ్స్లామ్స్తో రికార్డు సృష్టించిన జకో.. త్వరలో జరుగబోయే ఆస్ట్రేలియన్ ఓపెన్లో ఫేవరేట్గా బరిలోకి దిగనున్నాడు. ఈసారి అతడికి చిరకాల ప్రత్యర్థి రఫెల్ నాదల్ ఎదురుపడే అవకాశముంది.