Under -19 Asia Cup : దుబాయ్లో జరుగుతున్న ప్రతిష్థాత్మక అండర్-19 ఆసియా కప్(Under -19 Asia Cup)లో పాకిస్థాన్ యువ పేసర్ మహ్మద్ జీషాన్(Mohammad Zeeshan) విజృంభించాడు. ఆరడుగుల ఎనిమిది ఇంచుల పొడవుండే జీషాన్ ఆరు వికెట్లతో నేపాల్(Nepal) నడ్డి విరిచాడు. గురువారం జరిగిన మ్యాచ్లో ఈ యువ కెరటం 19 పరుగులే ఇచ్చి 6 వికెట్లు పడగొట్టాడు.
తద్వారా వన్డేల్లో అత్యుత్తమ గణాంకాలు నమోదు చేసిన రెండో పాక్ బౌలర్గా జీషాన్ రికార్డు నెలకొల్పాడు. 2018లో షాహీన్ ఆఫ్రిది(Shaheen Afridi) 15 పరుగులకే 6 వికెట్లు కూల్చి సంచలనం సృష్టించాడు.
అండర్-19 ఆసియా కప్ పాకిస్థాన్ vs నేపాల్
జీషాన్ సూపర్ స్పెల్తో పాక్ నేపాల్ను 152 పరుగులకే కట్టడి చేసింది. స్వల్ప లక్ష్యాన్ని పాక్ మరో 142 బంతులు మిగిలి ఉండగానే ఛేదించింది. ఇప్పటివరకూ ఒకే ఒక లిస్ట్ ఏ మ్యాచ్ ఆడిన జీషాన్.. ఆసియా కప్లో అద్భుత ప్రదర్శనతో ఆకట్టుకుంటున్నాడు. నిరుడు అండర్ 19 వరల్డ్ కప్ టోర్నీకి ట్రావెల్ రిజర్వ్గా ఎంపికైన జీషాన్.. స్వదేశంలో జరిగిన అండర్ 19 వన్డే కప్, అండర్ -19 చాంపియన్షిప్లో సత్తా చాటాడు.