Vivo V29e | 50ఎంపీ సెల్ఫీ కెమెరాతో వివో వీ29ఈ లాంఛ్‌..ధ‌ర ఎంతంటే..!

వివో వీ సిరీస్‌లో లేటెస్ట్‌గా వివో వీ29ఈ (Vivo V29e)ని కంపెనీ భార‌త్‌లో అధికారికంగా లాంఛ్ చేసింది. న్యూ వివో వీ29ఈ ప్ర‌ధానంగా కెమెరా, బ‌డ్జెట్ ఫ్రెండ్లీ క‌స్ట‌మ‌ర్ల‌పై ఫోక‌స్ చేస్తూ డిజైన్ చేశారు.

న్యూఢిల్లీ : వివో వీ సిరీస్‌లో లేటెస్ట్‌గా వివో వీ29ఈ (Vivo V29e)ని కంపెనీ భార‌త్‌లో అధికారికంగా లాంఛ్ చేసింది. న్యూ వివో వీ29ఈ ప్ర‌ధానంగా కెమెరా, బ‌డ్జెట్ ఫ్రెండ్లీ క‌స్ట‌మ‌ర్ల‌పై ఫోక‌స్ చేస్తూ డిజైన్ చేశారు. లేటెస్ట్ వివో ఫోన్ ఆటో ఫోక‌స్‌తో 50ఎంపీ సెల్ఫీ కెమెరా, ఆప్టిక‌ల్ ఇమేజ్ స్టెబిలైజేష‌న్‌తో కూడిన 64ఎంపీ కెమెరా, స్నాప్‌డ్రాగ‌న్ 695ఎస్ఓసీ ప్రాసెస‌ర్ క‌లిగిఉంది.

లేటెస్ట్ వివో వీ29ఈ 5జీ కనెక్ష‌న్‌తో క‌స్ట‌మ‌ర్ల ముందుకొచ్చింది. ఆర్టిస్టిక్ రెడ్‌, ఆర్టిస్టిక్ బ్లూ క‌ల‌ర్స్‌లో ల‌భించే వివో వీ29ఈ రూ. 26,999 నుంచి రూ. 28,999 మ‌ధ్య ల‌భిస్తుంది. క‌ల‌ర్ ఛేంజింగ్ టెక్నాల‌జీతో ల‌భించే లేటెస్ట్ వివో ఫోన్ ఫ్లిప్‌కార్ట్, వివో చానెళ్ల‌పై అందుబాటులో ఉంది.

రియ‌ల్మీ మొటొరొలా, లావా వంటి బ్రాండ్స్ లేటెస్ట్ డివైజ్‌ల‌ త‌ర‌హాలో వివో వీ29ఈ స్లీక్ డిజైన్‌తో, 7.57ఎంఎం థిక్‌నెస్‌తో ఆకట్టుకుంటుంది. వివో వీ29ఈ5జీ ఎఫ్‌హెచ్‌డీ+ రిజ‌ల్యూష‌న్‌తో 6.73 ఇంచ్ అమోల్డ్ డిస్‌ప్లేతో క‌స్ట‌మ‌ర్ల ముందుకొచ్చింది. లేటెస్ట్ స్మార్ట్‌ఫోన్ సెల్ఫీ కెమెరా ఐ ఆటో ఫోక‌స్‌ను స‌పోర్ట్ చేస్తుంద‌ని వివో వెల్ల‌డించింది. ఈ డివైజ్ 44డ‌బ్ల్యూ చార్జింగ్ స‌పోర్ట్‌తో 5000ఎంఏహెచ్ బ్యాట‌రీ సామ‌ర్ధ్యం క‌లిగిఉంది.

Read More :

Moto g84 5G | సూపర్ ఫాస్ట్ ఇంటర్నెట్ స్పీడ్‌తో మోటో జీ84 5జీ.. 1న లాంచింగ్ !