Poco C50 | త‌క్కువ ధ‌ర‌కే పోకో సీ-50.. ఈనెల 10 నుంచి సేల్స్ ప్రారంభం..!

Poco C50 | షియోమీ సబ్ బ్రాండ్ పోకో.. భారత్ మార్కెట్లోకి పోకో సీ50 పేరుతో చౌక ధరకే స్మార్ట్ ఫోన్ తీసుకొచ్చింది.

Poco C50 | చైనా స్మార్ట్ ఫోన్ల త‌యారీ దిగ్గ‌జం షియోమీ స‌బ్‌బ్రాండ్ పోకో.. దేశీయ మార్కెట్‌లోకి మ‌రో స్మార్ట్ ఫోన్ తీసుకొచ్చింది. సీ- సిరీస్‌లో భాగంగా సీ 50 పేరుతో మ‌రో ఎంట్రీ లెవ‌ల్ ఫోన్ ఆవిష్క‌రించింది. ఈ ఫోన్ రెండు వేరియంట్ల‌లో ల‌భ్యం అవుతుంది. 2జీబీ విత్ 32 జీబీ స్టోరేజీ సామ‌ర్థ్యం గ‌ల వేరియంట్ రూ.6,499ల‌కు, 3జీబీ విత్ 32 జీబీ స్టోరేజీ కెపాసిటీ గ‌ల ఫోన్ రూ.7,299ల‌కు కొనుక్కోవ‌చ్చు. కంట్రీ గ్రీన్‌, రాయ‌ల్ బ్లూ రంగుల్లో ల‌భిస్తుంది. భార‌త్‌లో పోకో సీ-50 ఫోన్ విక్ర‌యాలు ఈ నెల 10 నుంచి ఈ-కామ‌ర్స్ జెయింట్ ఫ్లిప్‌కార్ట్‌లో మొద‌ల‌వుతాయి. ఈ ఫోన్‌కు ఏడాది వారంటీ, ఇన్‌బాక్స్ యాక్సెస‌రీస్‌కు ఆరు నెల‌ల వారంటీ ల‌భిస్తుంది.

ఈ ఫోన్‌లో డ్యూయ‌ల్ నానో సిమ్ కెపాసిటీ ఉంటుంది. ఇది ఆండ్రాయిడ్ 12గో ఎడిష‌న్ ప‌ని చేస్తుంది. 6.52 అంగుళాల హెచ్డీ డిస్‌ప్లే, మీడియా టెక్ హీలియో ఏ22 ఓక్టాకోర్‌ ప్రాసెస‌ర్‌తోపాటు 120 హెర్ట్జ్ ట‌చ్ శాంప్లింగ్ రేట్‌తో వ‌స్తున్న‌ది. బ్యాక్ 8 ఎంపీ ఏఐ కెమెరా, ఫ్రంట్ 5 ఎంపీ కెమెరా అమ‌ర్చారు. ఈ ఫోన్‌లో మైక్రో ఎస్డీ కార్డు ద్వారా 512 జీబీ వ‌ర‌కు స్టోరేజీ పెంచుకోవ‌చ్చు.

4జీ నెట్‌వ‌ర్క్‌కు స‌పోర్ట్ చేసే ఈ ఫోన్‌లో మైక్రో యూఎస్బీ పోర్ట్‌, 3.5 ఎంఎం ఆడియో జాక్‌, 5000 ఎంఏహెచ్ బ్యాట‌రీ ఉన్నాయి. 10 వాట్ల చార్జింగ్‌కు స‌పోర్ట్‌గా ఉంటుంది. యూఎస్బీ టైప్‌-సీ పోర్ట్ చార్జింగ్‌కు అనువుగా ఉంటుంది. 3.5 ఎంఎం హెడ్‌ఫోన్ జాక్‌, వై-ఫై, బ్లూటూత్ 5.0, జీపీఎస్ త‌దిత‌ర క‌నెక్టివిటీ ఫీచ‌ర్లు ఉన్నాయి. సెల్ఫీల‌కు వెనుక ఫింగ‌ర్‌ప్రింట్ సెన్స‌ర్ కూడా ఉంటుంది.