Pixel 8 series | 50ఎంపీ మెయిన్ కెమెరాతో రానున్న పిక్సెల్ 8 సిరీస్

గూగుల్ పిక్సెల్ 8 (Pixel 8 series) సిరీస్ అక్టోబ‌ర్‌లో లాంఛ్ కానుండ‌గా, అధికారిక లాంఛ్‌కు ముందే ఈ హాట్ డివైజ్ కెమెరా వివ‌రాలు లీక‌య్యాయి. పి

న్యూఢిల్లీ : గూగుల్ పిక్సెల్ 8 (Pixel 8 series) సిరీస్ అక్టోబ‌ర్‌లో లాంఛ్ కానుండ‌గా, అధికారిక లాంఛ్‌కు ముందే ఈ హాట్ డివైజ్ కెమెరా వివ‌రాలు లీక‌య్యాయి. పిక్సెల్ 8, పిక్సెల్ 8 ప్రొతో న్యూ పిక్సెల్ 8 ఫ్యామిలీ న్యూ టెన్స‌ర్ జీ3 ఎస్ఓసీతో రానుంద‌నే వార్త‌లు రాగా, తాజాగా కెమెరా ఫీచ‌ర్లు కూడా లీక‌య్యాయి. పిక్సెల్ 8 వెనుక భాగంలో రెండు కెమెరాలు ఉంటాయ‌ని, పిక్సెల్ 8 ప్రొ వెనుక ట్రిపుల్ కెమెరా సెట‌ప్ ఉంటుంద‌ని చెబుతున్నారు.

న్యూ హార్డ్‌వేర్‌, గూగుల్ బ్రిలియంట్ ఇమేజ్‌-ప్రాసెసింగ్ టెక్నాల‌జీతో ఫొటోగ్ర‌ఫీలో లేటెస్ట్ అప్‌గ్రేడ్‌తో పిక్సెల్ 8 సిరీస్ క‌స్ట‌మ‌ర్ల ముందుకు రానుంది. పిక్సెల్ 8 సిరీస్‌లో అప్‌గ్రేడెడ్ 50 ఎంపీ శాంసంగ్ జీఎన్‌2 ఐసోసెల్ వైడ్ కెమెరా ఉంటుంద‌ని అండ్రాయిడ్ అథారిటీ పేర్కొంది. జీఎన్‌2 ప్రాసెస‌ర్ 35 శాతం అధిక లైటింగ్‌తో క్యాప్చ‌ర్ చేస్తుంద‌ని చెబుతున్నారు.

త‌క్కువ లైటింగ్ ఉన్న సెట్టింగ్స్‌లోనూ మెరుగైన ఫొటోల‌ను ఇది రాబ‌డుతుంది. అల్ట్రా వైడ్ ఫొటోల కోసం ఈ ఫోన్‌లో సోనీ ఐఎంఎక్స్‌787 సెన్స‌ర్ ఉంటుంది. ఇక వ‌నిల్లా పిక్సెల్ 8 సోనీ ఐఎంఎక్స్386 సెన్స‌ర్‌తో 12 ఎంపీ అల్ట్రా వైడ్ కెమెరాను కంటిన్యూ చేస్తుంద‌ని టెక్ నిపుణులు అంచ‌నా వేస్తున్నారు. పిక్సెల్ 8 ప్రొలో మూడో కెమెరా సెన్స‌ర్ గ‌త ఏడాది త‌ర‌హాలోనే 48 ఎంపీ శాంసంగ్ జీఎం5 కెమెరాగా కొన‌సాగుతుంది. ఇది 5x జూమ్‌ను ఆప‌ర్ చేస్తుంది. ఇక పిక్సెల్ 8 సిరీస్‌లో సెల్పీ కెమెరా గ‌త ఏడాది మాదిరే 11 ఎంపీ శాంసంగ్ జీఎం5 కెమెరాతో క‌స్ట‌మ‌ర్ల ముందుకు రానుంద‌ని టెక్ నిపుణులు అంచ‌నా వేస్తున్నారు.

Read More

Sunglasses | ఈ సన్‌గ్లాసెస్‌తో ఫొటోలు తీయొచ్చు.. పాటలు వినొచ్చు.. ఫోన్లు మాట్లాడొచ్చు