Nokia C-12 | భారత్ మార్కెట్‌లోకి నోకియా స్మార్ట్ ఫోన్‌.. ధ‌ర రూ.5,999 మాత్ర‌మే!

Nokia C-12 | ప్ర‌ముఖ స్మార్ట్ ఫోన్ల త‌యారీ సంస్థ నోకియా.. భార‌త్ మార్కెట్‌లోకి లో బ‌డ్జెట్ సెగ్మెంట్‌లో సీ-12 ఫోన్ ఆవిష్క‌రించింది. కేవ‌లం రూ.5,999ల‌కే ఈ ఫోన్ సొంతం చేసుకోవ‌చ్చు.

Nokia C-12 | ప్రముఖ స్మార్ట్ ఫోన్ల త‌యారీ సంస్థ నోకియా.. భార‌త్ మార్కెట్‌లోకి లో-బ‌డ్జెట్ స్మార్ట్ ఫోన్ తీసుకొచ్చింది. సీ-సిరీస్‌లో భాగంగా సీ-12 అనే పేరుతో ఆవిష్క‌రించింది. ఇప్ప‌టికే గ్లోబ‌ల్ మార్కెట్‌లో ఆవిష్క‌రించిన సీ-12 ఫోన్ హ్యాండ్ సెట్ 6.3 అంగుళాల హెచ్డీ ప్ల‌స్ డిస్‌ప్లే, 5-మెగా పిక్సెల్ సెల్ఫీ కెమెరా, 3డీ ప్యాట‌ర్న్ డిజైన్‌తో వ‌స్తున్న‌ది.

నోకియా సీ-12 ఫోన్ 2జీబీ రామ్ విత్ 64 జీబీ ఇంట‌ర్న‌ల్ స్టోరేజీ కెపాసిటీతో వ‌స్తున్న‌ది. ఈ ఫోన్ కేవ‌లం రూ.5,999ల‌కే సొంతం చేసుకోవ‌చ్చు. ఈ నెల 17 నుంచి ఈ-కామ‌ర్స్ జెయింట్ అమెజాన్ ఇండియా వెబ్‌సైట్‌లో ఆర్డ‌ర్ చేసుకోవ‌చ్చు. డార్క్ క్యాన్‌, చార్‌కోల్‌, లైట్ మింట్ క‌ల‌ర్ ఆప్ష‌న్ల‌లో ల‌భిస్తుంది.

ఇవీ స్పెషిఫికేష‌న్లు

• 6.3 అంగుళాల హెచ్డీ ఫ్ల‌స్ డిస్‌ప్లే విత్ 20:9 యాస్పెక్ట్ రేషియో, 1600 × 720 పిక్సెల్ రిజొల్యూష‌న్ విత్ వాట‌ర్ డ్రాప్ నాచ్‌.

• ఒక్టాకోర్ యూనిసోక్ 9863 ఏఐ ప్రాసెస‌ర్ విత్ 1.6 గిగా హెర్ట్జ్ క్లాక్ స్పీడ్‌.

• 2జీబీ రామ్ అండ్ 2జీబీ వ‌ర్చువ‌ల్ రామ్ విత్ 64 జీబీ ఇంట‌ర్న‌ల్ స్టోరేజీ, మైక్రో ఎస్డీకార్డ్‌తో 256 జీబీ వ‌ర‌కు స్టోరేజీ విస్త‌ర‌ణ‌.

• రేర్ కెమెరా ప్యానెల్‌పై 8-మెగా పిక్సెల్ కెమెరా, సెల్ఫీలు, వీడియో కాలింగ్ కోసం 5-మెగా పిక్సెల్ కెమెరా.

• ప‌వ‌ర్ బ్యాక‌ప్ కోసం 3000 ఎంఏహెచ్ సామ‌ర్థ్యం గ‌ల రిమూవ‌బుల్ బ్యాట‌రీ విత్ 12 వాట్స్ చార్జింగ్ స‌పోర్ట్‌.

• ఆండ్రాయిడ్ 12 గో ఎడిష‌న్ ఆప‌రేటింగ్‌ సిస్ట‌మ్‌పై ప‌ని చేస్తుంది.

• బ్లూటూత్‌, వై-ఫై, 3.5 ఎంఎం జాక్ క‌నెక్టివిటీ ల‌భ్యం.