New study: ప్లాస్టిక్ బాటిళ్ల‌లో నీళ్లు తాగితే మీకు క్యాన్స‌ర్ ముప్పు పొంచి ఉన్న‌ట్లే!!

ఎండ‌లు మండిపోతున్నాయి. డీహైడ్రేష‌న్ అవ్వ‌కుండా ఉండాలంటే నీటిని తాగాల్సిందే. చాలామంది దుకాణాల్లో దొరికే ప్లాస్టిక్ బాటిళ్లు కొనుక్కొని నీళ్లు తాగుతారు. మ‌రికొంద‌రు పెద్ద‌పెద్ద క్యాన్ల‌ను కొని ఇంటికి తెచ్చుకొంటారు. ఎవ్వ‌రి చేతుల్లో చూసినా ప్లాస్టిక్ బాటిళ్లే ద‌ర్శ‌న‌మిస్తున్నాయి. అవి మ‌న‌ జీవితంలో ఓ భాగ‌మైపోయాయి. అయితే, ఈ ప్లాస్టిక్ బాటిళ్ల విష‌యంలో చాలా జాగ్ర‌త్త‌గా ఉండాల‌ని ప‌రిశోధ‌కులు సూచిస్తున్నారు. చాలారోజుల‌పాటు మండే ఎండ‌లో ఉంచిన ప్లాసిక్ బాటిళ్లు, క్యాన్ల‌లో వేడికి ప్లాస్టిక్ క‌ణాలు నీటిలో క‌లిసిపోతాయ‌ని తాజా అధ్య‌య‌నంలో ప‌రిశోధ‌కులు తేల్చారు. ఈ అధ్య‌య‌న ఫ‌లితాలు నవభారత్ టైమ్స్‌లో ప్ర‌చురిత‌మ‌య్యాయి.

ఎండ‌లు మండిపోతున్నాయి. డీహైడ్రేష‌న్ అవ్వ‌కుండా ఉండాలంటే నీటిని తాగాల్సిందే. చాలామంది దుకాణాల్లో దొరికే ప్లాస్టిక్ బాటిళ్లు కొనుక్కొని నీళ్లు తాగుతారు. మ‌రికొంద‌రు పెద్ద‌పెద్ద క్యాన్ల‌ను కొని ఇంటికి తెచ్చుకొంటారు. ఎవ్వ‌రి చేతుల్లో చూసినా ప్లాస్టిక్ బాటిళ్లే ద‌ర్శ‌న‌మిస్తున్నాయి. అవి మ‌న‌ జీవితంలో ఓ భాగ‌మైపోయాయి. అయితే, ఈ ప్లాస్టిక్ బాటిళ్ల విష‌యంలో చాలా జాగ్ర‌త్త‌గా ఉండాల‌ని ప‌రిశోధ‌కులు సూచిస్తున్నారు. చాలారోజుల‌పాటు మండే ఎండ‌లో ఉంచిన ప్లాసిక్ బాటిళ్లు, క్యాన్ల‌లో వేడికి ప్లాస్టిక్ క‌ణాలు నీటిలో క‌లిసిపోతాయ‌ని తాజా అధ్య‌య‌నంలో ప‌రిశోధ‌కులు తేల్చారు. ఈ అధ్య‌య‌న ఫ‌లితాలు నవభారత్ టైమ్స్‌లో ప్ర‌చురిత‌మ‌య్యాయి.

వాట‌ర్ ఉన్న ప్లాస్టిక్‌ బాటిళ్ల‌ను ఎండ‌లో ఉంచిన‌ప్పుడు వేడికి కొద్దిపాటి రసాయనాలు విడుద‌ల‌వుతాయ‌ని పరిశోధ‌కులు గుర్తించారు. ఉష్ణోగ్రత, సమయం పెరిగేకొద్దీ ప్లాస్టిక్‌లోని రసాయన బంధాలు ఎక్కువగా విచ్ఛిన్నమ‌వుతాయ‌ని, రసాయనాలు లీక్‌ అయ్యే అవకాశ‌ముంద‌ని తేల్చారు. ఎక్కువ‌సేపు ఎండ‌లో ఉంచిన ప్లాస్టిక్ బాటిళ్ల‌లో నీళ్లు తాగితే మైక్రోప్లాస్టిక్ క‌ణాలు శ‌రీరంలో చేరి క‌డుపు సంబంధిత వ్యాధుల బారిన‌ప‌డ‌తార‌ని డాక్ట‌ర్ సందీప్ గులాటీ తెలిపారు. ఇది పీసీఓఎస్‌, అండాశయ సమస్యలు, రొమ్ము క్యాన్సర్, పెద్దపేగు క్యాన్సర్, ప్రోస్టేట్ క్యాన్సర్ అనేక ఇతర వ్యాధుల‌కు కార‌ణ‌మయ్యే హార్మోన్ల అసమతుల్యతకు కూడా దారితీస్తుందని వెల్ల‌డించారు.

ప్లాస్టిక్‌ బాటిళ్ల‌లో నీళ్లు తాగితే వ‌చ్చే వ్యాధులివే..!!

1.రొమ్ము క్యాన్స‌ర్ వ‌స్తుంది..

నీళ్లున్న ప్లాస్టిక్‌బాటిళ్ల‌ను ఎండ‌లో ఉంచితే డ‌యాక్సిన్ అనే విష‌వాయువు వెలువ‌డుతుంది. ఆ నీళ్ల‌ను తాగితే రొమ్ము క్యాన్స‌ర్ బారిన ప‌డే ప్ర‌మాద‌ముంది.

2. మ‌ధుమేహం, ఊబ‌కాయం గ్యారెంటీ!!

దీర్ఘ‌కాలికంగా ప్లాస్టిక్ బాటిళ్ల‌లో నీటిని తాగితే ‘బైఫినైన‌ల్ ఏ’ అనే విష ర‌సాయ‌నం శ‌రీరంలో ఉత్ప‌త్తి అవుతుంది. ఇది ఈస్ట్రోజెన్-అనుకరించే రసాయనం. ఇది మధుమేహం, ఊబకాయం, సంతానోత్పత్తి సమస్యలు, ప్రవర్తనా సమస్యలు, బాలికల్లో యుక్తవయస్సు ప్రారంభంలో అనేక ఆరోగ్య సమస్యలకు దారితీస్తుంది. ప్లాస్టిక్ బాటిల్‌లో నీటిని నిల్వ చేసి తాగకపోవడమే మంచిది.

3.రోగనిరోధక వ్యవస్థపై ప్రభావం..

ప్లాస్టిక్ బాటిళ్లలో నీళ్లు తాగడం వల్లరోగనిరోధక వ్యవస్థ విపరీతంగా ప్రభావితమవుతుంది. ప్లాస్టిక్ సీసాల నుంచి వచ్చే రసాయనాలు మన శరీరంలోని రోగనిరోధక వ్యవస్థకు భంగం కలిగిస్తాయి.

4.కాలేయ క్యాన్సర్, స్పెర్మ్ కౌంట్ త‌గ్గుద‌ల‌..

ప్లాస్టిక్‌లో థాలేట్స్ అనే రసాయనం ఉంటుంది. దీర్ఘ‌కాలికంగా ప్లాస్టిక్ బాటిళ్లలో నీళ్లు తాగ‌డం వ‌ల్ల థాలేట్స్‌లో శ‌రీరంలో చేరిపోతాయి. దీంతో కాలేయ క్యాన్సర్ వ‌స్తుంది. పురుషుల్లో స్పెర్మ్ కౌంట్ త‌గ్గిపోతుంది.

నీటిని కొనే ముందు ఇవి గుర్తుంచుకోండి..

• ఎక్కువసేపు ఎండలో ఉంచిన భారీ నీటి కంటైనర్లను కొనకండి.
• వాట‌ర్‌బాటిళ్లు నీడ‌లో ఉండేలా చూసుకోండి. 25 డిగ్రీల ఉష్ణోగ్రత ఉండాలి.
• గ్లాస్ లేదా మెటిల్ వాట‌ర్‌బాటిల్‌ను మాత్ర‌మే వాడండి.
• ప్లాస్టిక్ వాటర్ బాటిల్స్ కొన‌డం మానేయండి.