NASA: సౌర‌వ్య‌వ‌స్థ‌ ఆవ‌ల 5,000 గ్ర‌హాలు..నాసా 3డీ వీడియో విడుద‌ల‌!!

మ‌న సౌర వ్య‌వ‌స్థ‌కు ఆవ‌ల నాసా (అమెరికా అంత‌రిక్ష ప‌రిశోధ‌నా సంస్థ‌) 5,000 గ్ర‌హాల‌ను క‌నుగొన్న‌ది. వీటికి సంబంధించిన 3డీ యానిమేష‌న్‌, సోనిఫికేష‌న్ వీడియోను కూడా విడుద‌ల చేసింది. గత మూడు దశాబ్దాల్లో మొత్తం 5,000 గ్ర‌హాలను క‌నుగొన్న‌ట్లు నాసా వెల్ల‌డించింది.

మ‌న సౌర వ్య‌వ‌స్థ‌కు ఆవ‌ల నాసా (అమెరికా అంత‌రిక్ష ప‌రిశోధ‌నా సంస్థ‌) 5,000 గ్ర‌హాల‌ను క‌నుగొన్న‌ది. వీటికి సంబంధించిన 3డీ యానిమేష‌న్‌, సోనిఫికేష‌న్ వీడియోను కూడా విడుద‌ల చేసింది. గత మూడు దశాబ్దాల్లో మొత్తం 5,000 గ్ర‌హాలను క‌నుగొన్న‌ట్లు నాసా వెల్ల‌డించింది. ఈ గ్ర‌హాల్లో భూమిలాంటి చిన్న, రాతి ప్ర‌పంచాలు, బృహ‌స్ప‌తిలాంటి పెద్ద గ్యాస్ జెయింట్‌లు, సూప‌ర్ ఎర్త్స్ ఉన్న‌ట్లు పేర్కొంది. అలాగే, మ‌న భూమికంటే చిన్న గ్ర‌హాలు.. నెప్ట్యూన్ సైజ్ గ్ర‌హాలు కూడా ఉన్న‌ట్లు వెల్ల‌డించింది.

సౌర‌వ్య‌వ‌స్థ ఆవ‌ల గుర్తించిన కొన్ని గ్ర‌హాలను 3డీ విజువైలేష‌న్‌లో నాసా చూపించింది. ప్రతి ఎక్సోప్లానెట్ కనుగొన్న‌ప్పుడు, ఆకాశంలో దాని స్థానంలో ఒక వృత్తం కనిపిస్తుంది. వృత్తం పరిమాణం.. గ్రహం కక్ష్య సాపేక్ష పరిమాణాన్ని సూచిస్తుంది. అలాగే, క‌నిపించే రంగు దానిని కనుగొనేందుకు ఏ గ్రహ గుర్తింపు పద్ధతిని ఉపయోగించారో తెలుపుతుంది. కొత్తగా కనిపెట్టిన ప్రతి గ్ర‌హానికి ఒక నోట్ ప్లే చేయడం ద్వారా సంగీతాన్ని రూపొందించినట్లు నాసా తెలిపింది. నోట్ పిచ్.. ఆ గ్ర‌హం సాపేక్ష కక్ష్యా కాలాన్ని సూచిస్తుంది. నక్షత్రాల చుట్టూ తిరిగేందుకు ఎక్కువ సమయం తీసుకునే గ్రహాలు తక్కువ నోట్స్‌లో వినిపిస్తాయి. , కక్ష్యలో వేగంగా తిరిగే గ్రహాలు ఎక్కువ నోట్స్‌లో వినిపిస్తాయి.