Motorola Moto G96 5G | వాట‌ర్ రెసిస్టెన్స్ ఫీచ‌ర్‌తో లాంచ్ అయిన మోటోరోలా కొత్త ఫోన్‌.. ధ‌ర త‌క్కువే..!

మిడ్ రేంజ్ స్మార్ట్ ఫోన్ల‌ను కంపెనీలు ప్ర‌స్తుతం ఫ్లాగ్ షిప్ రేంజ్‌లో అందిస్తున్నాయి. అందులో భాగంగానే అనేక కంపెనీలు చాలా వ‌ర‌కు ఫోన్ల‌ను అదిరిపోయే ఫీచ‌ర్ల‌తో ఎప్ప‌టిక‌ప్పుడు రిలీజ్ చేస్తున్నాయి.

Motorola Moto G96 5G | మిడ్ రేంజ్ స్మార్ట్ ఫోన్ల‌ను కంపెనీలు ప్ర‌స్తుతం ఫ్లాగ్ షిప్ రేంజ్‌లో అందిస్తున్నాయి. అందులో భాగంగానే అనేక కంపెనీలు చాలా వ‌ర‌కు ఫోన్ల‌ను అదిరిపోయే ఫీచ‌ర్ల‌తో ఎప్ప‌టిక‌ప్పుడు రిలీజ్ చేస్తున్నాయి. ఇక ఇదే కోవ‌లో తాజాగా మోటోరోలా కూడా మ‌రో నూత‌న స్మార్ట్ ఫోన్‌ను ఇదే రేంజ్‌లో విడుద‌ల చేసింది. మోటోరోలా కంపెనీ మోటో జి96 5జి పేరిట ఓ నూత‌న స్మార్ట్ ఫోన్‌ను లేటెస్ట్‌గా భార‌త్‌లో లాంచ్ చేసింది. ఇందులో 6.67 ఇంచుల పీఓలెడ్ 3డి క‌ర్వ్‌డ్ స్క్రీన్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 144 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంద‌ని చెప్ప‌వ‌చ్చు. అద్భుత‌మైన దృశ్యాల‌ను వీక్షించ‌వ‌చ్చు. ఇక ఈ ఫోన్‌లో స్నాప్‌డ్రాగ‌న్ 7ఎస్ జెన్‌2 ప్రాసెస‌ర్‌ను, 8జీబీ ర్యామ్‌ను అందిస్తున్నారు.

వాట‌ర్ రెసిస్టెన్స్ ఫీచర్‌..

ఈ ఫోన్‌కు వెనుక వైపు 50 మెగాపిక్స‌ల్ మెయిన్ కెమెరా ఉండ‌గా, 8 మెగాపిక్స‌ల్ అల్ట్రావైడ్ కెమెరాను కూడా ఏర్పాటు చేశారు. ముందు వైపు 32 మెగాపిక్స‌ల్ కెమెరా ఉంది. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్‌ను అందిస్తున్నారు. 3 ఓఎస్ అప్‌డేట్స్‌ను ఈ ఫోన్‌కు అందిస్తామ‌ని కంపెనీ తెలియ‌జేసింది. ఈ ఫోన్‌లో ఐపీ68 డ‌స్ట్‌, వాట‌ర్ ప్రొటెక్ష‌న్‌ను అందిస్తున్నారు. అలాగే ఫోన్‌కు గొరిల్లా గ్లాస్ ప్రొటెక్ష‌న్ ల‌భిస్తుంది. ఇందులో 5500 ఎంఏహెచ్ బ్యాట‌రీని ఏర్పాటు చేయ‌గా దీనికి 68 వాట్ల ట‌ర్బో ప‌వ‌ర్ ఫాస్ట్ చార్జింగ్ స‌పోర్ట్‌ను అందిస్తున్నారు.

4 ఏళ్ల వ‌ర‌కు అప్‌డేట్స్‌..

సూర్య‌కాంతిలోనూ స్ప‌ష్టంగా క‌నిపించేలా ఈ ఫోన్ డిస్‌ప్లేకు గాను 1600 నిట్స్ వ‌ర‌కు పీక్ బ్రైట్‌నెస్‌ను అందిస్తున్నారు. 8జీబీ ర్యామ్‌తోపాటు 128జీబీ, 256జీబీ స్టోరేజ్ ఆప్ష‌న్ల‌లో ఈ ఫోన్‌ను లాంచ్ చేశారు. ఈ ఫోన్‌కు గాను 4 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. డ్యుయ‌ల్ సిమ్‌ల‌ను వేసుకోవ‌చ్చు. డాల్బీ అట్మోస్ ఫీచ‌ర్ ల‌భిస్తుంది. ఇన్ డిస్‌ప్లే ఫింగ‌ర్ ప్రింట్ సెన్సార్ సైతం ఉంది. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ ల‌భిస్తుంది. వైఫై 6, బ్లూటూత్ 5.2, యూఎస్‌బీ టైప్ సి వంటి అద‌న‌పు ఫీచ‌ర్ల‌ను సైతం ఈ ఫోన్‌లో అందిస్తున్నారు.

ధ‌ర వివ‌రాలు..

మోటోరోలా మోటో జి96 5జి స్మార్ట్ ఫోన్‌ను పాంటోన్ గ్రీన‌ర్ పాస్చ‌ర్స్‌, పాంటోన్ కాటిల్యా ఆర్కిడ్‌, పాంటోన్ యాష్‌లెయ్ బ్లూ, పాంటోన్ డ్రెస్డెన్ బ్లూ క‌ల‌ర్ వేరియెంట్ల‌లో లాంచ్ చేశారు. ఈ ఫోన్‌కు చెందిన 8జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.17,999 ఉండ‌గా, 8జీబీ ర్యామ్‌, 256జీబీ స్టోరేజ్ మోడ‌ల్ ధ‌ర రూ.19,999గా ఉంది. ఈ ఫోన్‌ను ఫ్లిప్ కార్ట్‌తోపాటు మోటోరోలా ఇండియా ఆన్‌లైన్ స్టోర్‌లో, ఇత‌ర ఆఫ్‌లైన్ స్టోర్స్‌లో విక్ర‌యిస్తున్నారు. జూలై 16వ తేదీ నుంచి ఈ ఫోన్ వినియోగ‌దారుల‌కు ల‌భ్యం కానుంది.