మేడిపల్లి పీఎస్‌ పరిధిలో తాళం వేసిన ఇంట్లో భారీ చోరీ.. బంగారు ఆభరణాలు అపహరణ

తాళం వేసిన ఇంట్లో బంగారు ఆభరణాలు అపహరణ కు గురైన ఘటన మేడ్చల్‌ జిల్లా మేడిపల్లి పీఎస్‌ పరిధిలో చోటు చేసుకుంది.

మేడిపల్లి, అక్టోబర్‌ 14 : తాళం వేసిన ఇంట్లో బంగారు ఆభరణాలు అపహరణ కు గురైన ఘటన మేడ్చల్‌ జిల్లా మేడిపల్లి పీఎస్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. బోడుప్పల్‌ భీంరెడ్డి నగర్‌ కాలనీ లో నివాసముంటున్న నానం చర్ల బాలలింగయ్య స్వగ్రామమైన యాదాద్రి భువనగిరి జిల్లా భువనగిరి మండలం నందనం గ్రామంలో భూపంచాయితీ కోసం ఈనెల 5న భార్యతో కలిసి ఇంటికి తాళం వేసి వెళ్లారు.

ఈ క్రమంలో 13న ఉదయం ఇంటి ప్రధాన ద్వారం తోపాటు వంటగది తలుపు తాళాలు పగుల గొట్టి చోరీకి పాల్పడినట్లు గుర్తించిన స్థానికులు బాల లింగయ్యకు సమాచారం అందించారు. బాధితుడు ఇంటికి వచ్చి చూడగా బెడ్‌ రూంలో బీరువా తాళాలు పగులగొట్టి అందులో ఉన్న 15 తులాల బంగారు ఆభరాణాలు గుర్తు తెలియని వ్యక్తులు అపహరించినట్ల్లు బాధితుడు పోలీసులకు ఫిర్యాదు చేశారు. డిటెక్టివ్‌ ఇన్‌స్పెక్టర్‌ కె. శ్రీనివాస్‌ కేసు నమోదు చేసి దర్యాప్తు చేపట్టారు.