ACB Raids | రూ.30 వేలు లంచం తీసుకుంటూ పట్టుబడ్డ అసిస్టెంట్‌ ఇంజినీర్‌

ACB Raids | రాజేంద్రనగర్‌ సర్కిల్‌ పరిధి హిమాయత్‌ సాగర్‌ సెక్షన్‌ గంధంగూడ సబ్‌ స్టేషన్‌ అసిస్టెంట్‌ ఇంజినీర్‌ అమర్‌ సింగ్‌ లంచం తీసుకుంటూ ఏసీబీకి పట్టుబడ్డాడు.

రంగారెడ్డి : అవినీతి నిరోదక శాఖ అధికారుల వలకు మరో విద్యుత్‌ అవినీతి అధికారి చిక్కాడు. రంగారెడ్డి ( Rangareddy District ) జిల్లా రాజేంద్రనగర్‌ సర్కిల్‌ పరిధి హిమాయత్‌ సాగర్‌ సెక్షన్‌ గంధంగూడ 33/11 కేవీ సబ్‌ స్టేషన్‌ అసిస్టెంట్‌ ఇంజినీర్‌ అమర్‌ సింగ్‌( AE Amarsingh) లంచం తీసుకుంటూ ఏసీబీకి పట్టుబడ్డాడు. అపార్ట్‌మెంట్‌ విద్యుత్‌ ట్రాన్స్‌ఫార్మర్‌ కోసం దరఖాస్తు చేసుకోగా ఏఈ లంచం డిమాండ్‌ చేశాడు. శనివారం బాధితుడి నుంచి రూ. 30 వేలు లంచం తీసుకుంటుండగా ఏసీబీ అధికారులు రెడ్‌ హ్యండెడ్‌గా పట్టుకున్నారు. ఏఈపై కేసు నమోదు చేసి నాంపల్లి కోర్టులో హాజరుపరిచారు.