మాటలతో కాలం వెళ్లబుచ్చుతూ.. రుబాబు చేస్తూ బతుకుతుంటారు కొందరు. పనిచెయ్యడం చేతగాని వ్యక్తులు.. కష్టపడే వారిపైనే పెత్తనం చేసే సందర్భంలో ఈ సామెతను ఉపయోగిస్తారు. ఈ తరహా మనుషులు ఎదుటి వ్యక్తుల పనిలో వంకలు వెతుకుతుంటారు.
రేయింబవళ్ల కష్టాన్ని సైతం చులకన చేసి మాట్లాడుతుంటారు. వెనుకటి రైతులు దేవుని కోసం ప్రత్యేకంగా ఓ మడిని ఉంచేవారు. ఇంటిల్లిపాదీ కూలోళ్లతో కలిసి పొలం కోయడానికి పోతే.. ఇంట్లోని పనిదొంగ మాత్రం పొద్దంతా ఊరు తిరిగొచ్చి సాయంకాలం పొలం కాడికి వెళ్లిండట. అప్పటికే పొలం కోత పూర్తవడంతో.. తనను ఎలాగైనా తిడతారని ముందే గ్రహించి.. ‘
అయ్యో.. దేవుని మడి ఎందుకు కోసిర్రే.. నేనెన్ని మొక్కులు మొక్కినా! ఎంత కావలిగాసినా!’ అంటూ వాళ్లపైనే గరంమైండట. దాంతో.. వాళ్లే లెంపలేసుకొని ‘ఏం కాదులే బిడ్డా’ అంటూ సముదాయించారట. అగో అట్లుంటది కొందరి తరీక!