ఆగమాగం అల్లుడు అత్త మెడల పుస్తె కట్టిండట

కొందరంతే! ముందూ వెనుకా చూడరు. మంచీ చెడూ ఆలోచించరు. తాము అనుకున్నదే నిజమని నమ్ముతారు. ప్రతీ విషయంలోనూ ఆగమాగం అవుతారు. ఇలా నిలకడ లేని ప్రవర్తన కలిగినవారిని ఉద్దేశించి చెప్పిన సామెతే ‘ఆగమాగం అల్లుడు అత్త మెడల పుస్తె కట్టిండట’.

కొందరంతే! ముందూ వెనుకా చూడరు. మంచీ చెడూ ఆలోచించరు. తాము అనుకున్నదే నిజమని నమ్ముతారు. ప్రతీ విషయంలోనూ ఆగమాగం అవుతారు. ఇలా నిలకడ లేని ప్రవర్తన కలిగినవారిని ఉద్దేశించి చెప్పిన సామెతే ‘ఆగమాగం అల్లుడు అత్త మెడల పుస్తె కట్టిండట’. ఇలాంటివారు అన్ని కాలాల్లోనూ మనకు తారసపడుతారు. బిత్తిరి వ్యవహారంతో ఆందోళనగా కనిపిస్తారు. ఇలాంటి ఓ వ్యక్తికి రాకరాక ఒక సంబంధం వచ్చిందట. అదికూడా ఎన్నో అవరోధాలు దాటుకొని పెండ్లివరకూ చేరుకుంది.

వేదికమీద పంతులుగారు ‘తాళికట్టు నాయనా’ అనగానే, ఎవరికి కట్టాలో అర్థంకాక పిల్ల పక్కనున్న అత్త మెడలో పుస్తె కట్టిండట. కొంతమంది పరిస్థితి ఇలానే ఉంటుంది. తమకు తెలియని విషయాలను తెలుసుకునే ప్రయత్నం చేయరు. పైగా, ఏదైనా అనుమానం, సమస్య వస్తే.. ఆగమాగం అవుతారు. బయటికి హుందాగా కనిపించినా.. తమ డొల్లతనాన్ని సులువుగా బయటపెట్టేస్తుంటారు.