ఆ ఐలాండ్‌లో మ‌హిళ‌ల‌దే రాజ్యం.. వాళ్ల‌దే పైచేయి.. మ‌రి పురుషులు ఏం చేస్తారు?
ఆ ఐలాండ్‌లో మ‌హిళ‌ల‌దే రాజ్యం | హిళ‌లు కూడా పురుషుల‌తో స‌మాన‌మే. అన్నింట్లోనూ వాళ్ల‌కు కూడా పురుషుల‌తో స‌మానంగా అవ‌కాశాలు క‌ల్పించాలి.
మ‌హిళ‌లు కూడా పురుషుల‌తో స‌మాన‌మే. అన్నింట్లోనూ వాళ్ల‌కు కూడా పురుషుల‌తో స‌మానంగా అవ‌కాశాలు క‌ల్పించాలి. మ‌హిళ‌ల సాధికార‌త కోసం కృషి చేయాలి.. అంటూ చాలా ప్ర‌భుత్వాలు చెబుతుంటాయి. అలాగే అవ‌కాశాలు కూడా క‌ల్పిస్తుంటాయి. కానీ.. ఓ ఐలాండ్‌లో మాత్రం మ‌హిళ‌ల‌దే రాజ్యం.. వాళ్లు ఏం చెబితే అంత. అది ఏ ప‌ని అయినా స‌రే.. మహిళలే క‌నిపిస్తారు. అక్క‌డ మ‌హిళ‌ల‌దే పైచేయి. ఎందుకు అలా మహిళలే అక్క‌డ రాజ్య‌మేలుతున్నారు. మ‌రి.. మగవాళ్లు ఏం ప‌నిచేస్తారు.. అనే విష‌యాలు తెలియాలంటే.. ఓసారి ఐలాండ్ గురించి క్షుణ్ణంగా తెలుసుకోవాల్సిందే.
యూర‌ప్‌లోని ఎస్టోనియాలో దాదాపు 2000 ఐలాండ్స్ ఉన్నాయి. అందులో ఒక ఐలాండ్ పేరు కిన్హు ఐలాండ్. దీని గురించే మ‌నం ఇప్పుడు మాట్లాడుకునేది. ఈ ఐలాండ్ అందాల‌కు నెల‌వు. బీచ్‌, కొండ‌లు, చెట్లు.. చుట్టూ ప్ర‌కృతి అందాలే. ఇది టూరిస్ట్ ప్లేస్ కూడా.
అయితే.. ఇక్క‌డ మ‌హిళ‌ల జ‌నాభా ఎక్కువే.. వాళ్లు చేసే ప‌నులు కూడా ఎక్కువే. ఐలాండ్‌లో ఎక్క‌డ చూసినా మహిళలే క‌నిపిస్తారు. మగవాళ్లు చాలా త‌క్కువ‌గా క‌నిపిస్తారు. దానికి కార‌ణం.. ఐలాండ్‌లోని మగవాళ్లు అంద‌రూ స‌ముద్రంలో చేప‌ల వేట‌కు వెళ్ల‌డం. అక్క‌డ పురుషులు.. రోజు వారి ప‌నులు చేయ‌రు. నెల‌ల‌కు నెల‌లు.. స‌ముద్రంలోనే ఉంటారు. చేప‌ల‌ను వేటాడుతారు. దీంతో ఐలాండ్‌లో మహిళలే ఉండాల్సిన ప‌రిస్థితి. దీంతో అన్ని ప‌నులు వాళ్లే చ‌క్క‌దిద్దుతారు అన్న‌మాట.
ఐలాండ్‌లో జ‌రిగే పెళ్లిళ్ల ద‌గ్గ‌ర నుంచి మ‌నిషి చ‌నిపోతే చేసే అంత్య‌క్రియ‌ల వ‌ర‌కు అన్నీ మహిళలే చూసుకుంటారు. డ్యాన్స్‌, పాట‌లు పాడ‌టం, చేతి వృత్తుల ప‌ని, బిజినెస్‌, టూరిస్ట్ గైడ్‌.. ఇలా ప్ర‌తి ప‌ని మహిళలే చేస్తారు. మగవాళ్లు అస్స‌లు ఈ ప‌నులు చేయ‌రు.
అయితే.. ఇది ఇప్పుడు ప్రారంభ‌మైన ఆచారం కాదు.. త‌మ అమ్మ‌మ్మ‌ల కాలం నుంచి ఇదే ఆచారం అక్క‌డ కొన‌సాగుతోంద‌ట. అదే ఆచారాన్ని ఈ జ‌న‌రేష‌న్ మ‌హిళ‌లు కూడా కాపాడుకుంటూ వ‌స్తున్నారు.
లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి
ఇవి కూడా చదవండి..
Dwarfs : ఆ ఊళ్లో స‌గం మంది మ‌రుగుజ్జులే.. కార‌ణం ఏంటో తెలుసా?
Oxygen on Moon | చంద్రుడిపై ఆక్సిజ‌న్‌.. 800 కోట్ల మంది ల‌క్ష ఏండ్లు ఈజీగా బ‌తికేయొచ్చు
Premature Baby : 5 నెల‌ల‌కే పుట్టాడు.. గిన్నిస్ వ‌ర‌ల్డ్ రికార్డ్ క్రియేట్ చేశాడు
Petrol Pumps : పెట్రోల్ బంక్‌ల వ‌ద్ద సెల్‌ఫోన్స్ ఎందుకు వాడ‌కూడ‌దు? వాడితే ఏమౌతుంది?
Read Today's Latest Nt-special News in Telugu and Telugu News
- Follow Us :
-
