NRI | కొండపోచమ్మ సాగర్‌పై ‘వెలుగు’ కథనాన్ని తీవ్రంగా ఖండిస్తున్నాం

NRI | బీఆర్‌ఎస్‌ అధినే కేసీఆర్‌ ప్రతిష్ఠను దెబ్బతీసేలా కొండపోచమ్మ సాగర్‌పై ప్రజల్లో అపోహలు సృష్టించే విధంగా ‘వెలుగు’ దినపత్రిక ప్రచురించిన కథనాన్ని తీవ్రంగా ఖండిస్తున్నామ‌ని బీఆర్‌ఎస్‌ ఎన్నారై సౌతాఫ్రికా ప్ర‌తినిధి మేడసాని నరేంద్ర రెడ్డి అన్నారు.

NRI | బీఆర్‌ఎస్‌ అధినే కేసీఆర్‌ ప్రతిష్ఠను దెబ్బతీసేలా కొండపోచమ్మ సాగర్‌పై ప్రజల్లో అపోహలు సృష్టించే విధంగా ‘వెలుగు’ దినపత్రిక ప్రచురించిన కథనాన్ని తీవ్రంగా ఖండిస్తున్నామ‌ని బీఆర్‌ఎస్‌ ఎన్నారై సౌతాఫ్రికా ప్ర‌తినిధి మేడసాని నరేంద్ర రెడ్డి అన్నారు. 15 టీఎంసీల సామర్థ్యం కలిగిన కొండపోచమ్మ సాగర్‌ ఒక ప్రజా ప్రాజెక్టు రైతులకు సాగునీరు అందించాలనే లక్ష్యంతో నిర్మించిన ఈ ప్రాజెక్టును కేవలం కేసీఆర్ ఫామ్‌హౌస్‌కు మాత్రమే నీరు అందించే ప్రాజెక్టుగా చిత్రీకరించడం సరికాద‌న్నారు.

ఈ ప్రాజెక్టు ద్వారా రైతులకు కలిగిన ప్రయోజనాలు, సాగునీటి లక్ష్యాలు, వాస్తవ గణాంకాలను ఆధారంగా చేసుకుని వార్తలు ప్రచురించాలి. అక్టోబర్ 17న వెలుగు న్యూస్ పేపర్ మొదటి పేజీలో ప్రచురించిన ‘కేసీఆర్ ఫామ్‌హౌస్‌కు మళ్లిన కొండపోచమ్మ’ కథనంపై సంబంధిత ఆధారాలను బహిర్గతం చేయాలని డిమాండ్ చేశారు. ప్రజల్లో అపోహలు కలిగించే కథనాల విషయంలో మీడియా బాధ్యతాయుతంగా వ్యవహరించాలి. సదరు కథనాన్ని వెంటనే ఉపసంహరించుకుని, 24 గంటల్లోగా బేషరతుగా క్షమాపణ చెప్పాలని డిమాండ్ చేశారు.