బహిరంగంగానే.. కబ్జా

సిరికొండ మండల కేంద్రంలోని పోలీస్‌ స్టేషన్‌ ఎదురుగా ఉన్న ప్రభుత్వ స్థలంపై కన్నేశాడో వ్యక్తి. ప్రభుత్వ విశ్రాంత భవనం నిర్మించేందుకు చేసిన శంకుస్థాపన శిలాఫలకం ఉన్నా.. దానిని కనుమరుగు చేసేందుకు బుధవారం ఆస్థలంలో మొరం పోశాడు.

సిరికొండ మండల కేంద్రంలోని పోలీస్‌ స్టేషన్‌ ఎదురుగా ఉన్న ప్రభుత్వ స్థలంపై కన్నేశాడో వ్యక్తి. ప్రభుత్వ విశ్రాంత భవనం నిర్మించేందుకు చేసిన శంకుస్థాపన శిలాఫలకం ఉన్నా.. దానిని కనుమరుగు చేసేందుకు బుధవారం ఆస్థలంలో మొరం పోశాడు. అధికార పార్టీ నాయకుల పేర్లు చెప్పుకొని కబ్జాకు ప్రయత్నించాడు. ఇదంతా గమనించిన స్థానికులు, వీడీసీ సభ్యులు అడ్డుకున్నారు. గతేడాది ఇదే స్థలంలో ఆర్టీసీ మాజీ చైర్మన్‌, రూరల్‌ మాజీ ఎమ్మెల్యే బాజిరెడ్డి గోవర్ధన్‌ ఎన్డీఎఫ్‌ నిధులు రూ.40లక్షలతో విశ్రాంత భవనం నిర్మించేందుకు శంకుస్థాపన చేశారు. పదేండ్ల నుంచి ఈ స్థలం వైపు చూడని ఆ వ్యక్తి అధికార పార్టీ నేతల అండదండలతోనే కబ్జాకు యత్నించినట్లు స్థానికులు చర్చించుకుంటున్నారు. కలెక్టర్‌ స్పందించి కబ్జా చేస్తున్న వ్యక్తిపై చర్యలు తీసుకోవాలని కోరుతున్నారు.

– సిరికొండ, జూన్‌ 19