ఏడో బెటాలియన్‌ కమాండెంట్‌గా రోహిణి ప్రియదర్శిని

నిజామాబాద్‌ జిల్లా డిచ్‌పల్లి ఏడో బెటాలియన్‌ కమాండెంట్‌గా రోహిణి ప్రియదర్శినిని నియమిస్తూ రాష్ట్ర ప్రభుత్వ ప్రధాన కార్యదర్శి శాంతికుమారి సోమవారం ఉత్తర్వులు జారీ చేశారు.

వినాయక్‌నగర్‌, జూన్‌ 17: నిజామాబాద్‌ జిల్లా డిచ్‌పల్లి ఏడో బెటాలియన్‌ కమాండెంట్‌గా రోహిణి ప్రియదర్శినిని నియమిస్తూ రాష్ట్ర ప్రభుత్వ ప్రధాన కార్యదర్శి శాంతికుమారి సోమవారం ఉత్తర్వులు జారీ చేశారు. రాష్ట్ర వ్యాప్తంగా 28మంది ఐపీఎస్‌ అధికారులను బదిలీ చేస్తూ ఆర్డర్స్‌ వెలువరించారు. ఇప్పటి వరకు ఏడో బెటాలియన్‌ కమాండెంట్‌గా విధులు నిర్వర్తించిన బి.రామ్‌ ప్రకాశ్‌ను డీజీపీ కార్యాలయానికి అటాచ్‌ చేశారు. ఆయన స్థానంలో 2012 ఐపీఎస్‌ బ్యాచ్‌కు చెందిన, ప్రస్తుతం హైదరాబాద్‌ నార్త్‌ జోన్‌ డీసీపీగా ఉన్న రోహిణి ప్రియదర్శిని బెటాలియన్‌ కమాండెంట్‌గా బదిలీపై వస్తున్నారు. బదిలీపై వస్తున్న రోహిణి ప్రియదర్శిని నిజామాబాద్‌ కమిషనర్‌ ఆఫ్‌ పోలీస్‌ కల్మేశ్వర్‌ సింగేనవార్‌ సతీమణి కావడం విశేషం.