Santana Nagamma Temple | ఏకచక్రనగర్‌లో ఘనంగా సంతాన నాగమ్మ ఆలయ వార్షికోత్సవం

బోధన్ పట్టణం ఏకచక్ర నగర్ లోని సంతాన నాగమ్మ ఆలయ వార్షికోత్సవాన్ని ఆదివారం ఘనంగా నిర్వహించారు. ఇందులో భాగంగా ఆలయంలో అర్చకుడు సంతోష్ శర్మ ప్రత్యేక పూజా కార్యక్రమాలు నిర్వహించారు. మధ్యాహ్నం హారతి అనంతరం అన్నప్రసాద వితరణ జరిపించారు.

Santana Nagamma Temple | శక్కర్ నగర్ : బోధన్ పట్టణం ఏకచక్ర నగర్ లోని సంతాన నాగమ్మ ఆలయ వార్షికోత్సవాన్ని ఆదివారం ఘనంగా నిర్వహించారు. ఇందులో భాగంగా ఆలయంలో అర్చకుడు సంతోష్ శర్మ ప్రత్యేక పూజా కార్యక్రమాలు నిర్వహించారు. మధ్యాహ్నం హారతి అనంతరం అన్నప్రసాద వితరణ జరిపించారు. ఆలయ వ్యవస్థాపకుడు గుమ్ముల అశోక్ రెడ్డి, నిర్వాహకులు మాట్లాడుతూ ఆలయం చాలా విశిష్టమైందని, ఆలయంలో మొక్కిన ప్రతీ ఒక్కరికీ సంతానం కలిగిందని, అమ్మవారిని భక్తులు కోరినకోర్కెలు తీర్చే అమ్మవారిగా కొలుస్తారని అన్నారు.

కేవలం బోధన్ నుంచే కాకుండా ఆలయానికి పక్కనే ఉన్న మహారాష్ట్ర కు చెందిన భక్తులు కూడా రావడం విశేషం. ఆదివారం నిర్వహించిన 16వ వార్షికోత్సవ వేడుకలకు భక్తులు అధిక సంఖ్యలో హాజరయ్యారు. కమిటీ అధ్యక్షుడు గుమ్ముల అశోక్ రెడ్డి, నిర్వాహకులు టీవీ రవి, సాయిలు, నారాయణ, గుమ్ముల గంగాధర్, ఎం గంగాధర్, సీతారాం ఏర్పాట్లను పర్యవేక్షించడంతో పాటు సేవలు అందించారు.